༄༅། །ཕྱི་ལོ་ ༢༠༢༢ ཟླ་བ་ ༠༨ ཚེས་ ༡༨ ཉིན་ཤི་ལོང་ས་གནས་འགོ་འཛིན་པདྨ་དོན་གྲུབ་ལགས་ཀྱིས་མེ་གྷཱ་ལཡ་མངའ་སྡེའི་སྤྱི་ཁྱབ་དྲུང་ཆེ་སྐུ་ཞབས་ཌོ་ནལ་པི་ཝ་ལཱང་ (Shri Donald P. Wahlang) མཆོག་དང་མཇལ་འཕྲད་གནང་ཡོད། 

དེ་ཡང་མཇལ་འཕྲད་སྐབས་ས་གནས་འགོ་འཛིན་དང་ལྷན་དུ་ཕྱོགས་བཞུགས་སྤྱི་འཐུས་ཚེ་རིང་སྒྲོལ་མ་ལགས་དང་། དགའ་ལྡན་ཆོས་གླིང་དགོན་པའི་མཁན་པོ་ངག་དབང་དཔལ་ལྡན་ལགས་སོགས་ས་གནས་ཀྱི་གནད་ཡོད་མི་སྣ་ཁག་ལྷན་བཅར་གྱིས་སྐུ་ཞབས་ཁོང་མངའ་སྡེའི་སྤྱི་ཁྱབ་དྲུང་ཆེར་བསྐོ་གཞག་གནང་བར་འཚམས་འདྲི་དང་འབྲེལ་དཀར་གཙང་མཇལ་དར་དང་བཀའ་དྲིན་རྗེས་དྲན་གྱི་ཕྱག་རྟགས་ཕུལ་ཡོད། 

སྐབས་དེར་ས་གནས་འགོ་འཛིན་པདྨ་དོན་གྲུབ་ལགས་ཀྱིས་བོད་མིའི་སྒྲིག་འཛུགས་དང་ཤི་ལོང་ས་གནས་འགོ་འདིན་ལས་ཁུངས་ཀྱི་ཚབ་ཞུས་ཏེ་རྒྱ་གར་དབུས་གཞུང་དང་མི་མང་གཉིས་ནས་བོད་མི་རྣམས་ལ་རྒྱབ་སྐྱོར་རམ་འདེགས་གནང་བར་ཐུགས་རྗེ་ཆེ་ཞུས་ཡོད་པ་བཅས།།