༄༅། །ཌལ་ཧོར་ཕུན་ཚོགས་གླིང་བོད་མིའི་གཞིས་ཆགས་ཀྱི་ས་གནས་འཕྲོད་བསྟེན་སྨན་ཁང་དང་པན་ཇཱབ་མངའ་སྡེའི་པ་ཋཱན་ཀོཊ་ནང་ཡོད་པའི་པི་ཨམ་སི་སྨན་ཁང་ (PMC Hospital) གཉིས་མཉམ་འབྲེལ་གྱིས་ཌལ་ཧོར་ཕུན་ཚོགས་གླིང་དུ་ཕྱི་ལོ་ ༢༠༢༢ ཟླ་ ༠༨ ཚེས་ ༡༨ ཉིན་ལོ་འཁོར་སྨན་སྒར་བཙུགས་ཏེ་ས་གནས་ཀྱི་བོད་མི་གྲངས་ ༡༧ དང་། དེ་བཞིན་མོ་ནད་དང་འབྲེལ་བའི་བུད་མེད་གྲངས་ ༡༣ ལ་གཟུགས་གཞི་བརྟག་དཔྱད་ཆ་ཚང་གནང་ཡོད་པ་མ་ཟད། རིན་མེད་སྨན་སྦྱིན་དང་བརྒྱ་ཆ་ ༧༠ ཆག་ཡང་ཐོག་ཁྲག་དང་ལུད་པར་བརྟག་དཔྱད་གནང་ཡོད།

དེ་ཡང་པི་ཨམ་སི་སྨན་ཁང་གི་མོ་ནད་ཆེད་མཁས་སྨན་པ་གྷ་གཱན་ཌིབ་ (Dr Gagan Deep) ལགས་དང་། ནད་བརྟག་ཆེད་མཁས་སྨན་པ་ནི་ངྷི་པུ་རི་ (Dr Nidhi Puri) ལགས། ནད་ཁྲག་ཆེད་མཁས་པ་གྷོ་པཱལ་ (Gopal) ལགས། དོ་དམ་པ་རཱ་ཝི་ཀནྟ་ (Ravi Kant) ལགས། ཌལ་ཧོར་ཕུན་ཚོགས་གླིང་བོད་མིའི་གཞིས་ཆགས་ཀྱི་ས་གནས་འཕྲོད་བསྟེན་སྨན་ཁང་གི་ལས་བྱེད་བཅས་ནས་ནད་པ་རྣམས་ལ་བརྟག་དཔྱད་གནང་ཡོད་པ་བཅས།།