༄༅། །ས་རཱ་བོད་ཀྱི་མཐོ་རིམ་སློབ་གཉེར་ཁང་གི་གོ་སྒྲིག་འོག་ཕྱི་དྲིལ་བོད་དོན་ཞུ་གཏུག་ཚན་པས་བྱང་ཨ་རི་དང་ཡུ་རོབ་ཁུལ་ནས་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་དབྱར་དུས་བོད་ཀྱི་སྐད་ཡིག་ཟབ་སྦྱོང་ཐོག་མཉམ་ཞུགས་གནང་མཁན་བོད་རིགས་གཞོན་སྐྱེས་རྣམས་ལ་བོད་དོན་ཞུ་གཏུག་ལས་འགུལ་སྐོར་ངོ་སྤྲོད་གནང་ཡོད།

དེ་ཡང་བོད་དོན་ཞུ་གཏུག་ཚན་པའི་འགན་འཛིན་དྲུང་གཞོན་འབྲུག་བསྟན་སྐྱིད་ལགས་ཀྱིས་དང་བླངས་བོད་དོན་ཞུ་གཏུག་ལས་འགུལ་གྱི་དམིགས་ཡུལ་དང་། ལས་དོན་བྱེད་ཕྱོགས། ཚོགས་ཞུགས་ཀྱི་གནས་སྟངས། གོ་སྐབས་སོགས་ཀྱི་སྐོར་ངོ་སྤྲོད་གནང་ཡོད་པ་མ་ཟད། དོགས་འདྲི་ཁག་ལ་ལན་འདེབས་གསལ་བཤད་གནང་ཡོད། འབྲུག་ལྡན་སྐྱིད་ལགས་དང་ལྷན་འབྲེལ་ཡོད་ལས་བྱེད་བསྟན་འཛིན་ཀུན་མཁྱེན་དང་རིན་ཆེན་ལགས་ཕེབས་ཡོད།ཐོག་མའི་འཆར་གཞི་ལྟར་ན་བསྟན་འཛིན་ཀུན་མཁྱེན་ལགས་ཀྱིས་ད་ལྟའི་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་སྐོར་དང་། རིན་ཆེན་ལགས་ཀྱིས་དབུ་མའི་ལམ་གྱི་སྲིད་བྱུང་སྐོར་ངོ་སྤྲོད་གནང་གཏན་ཁེལ་ཡོད་ཀྱང་སློབ་ཕྲུག་ཚོས་བོད་དོན་ཞུ་གཏུག་ལས་འགུལ་སྐོར་དགའ་མོས་དང་དོ་སྣང་གནང་སྟབས། དུས་ཚོད་ཕལ་ཆེ་བ་དང་བླངས་བོད་དོན་ཞུ་གཏུག་སྐོར་དྲི་བ་དྲིས་ལན་སླད་དུ་བཏང་དགོས་བྱུང་ཡོད། བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་དབུ་མའི་ལམ་གྱི་སྲིད་བྱུས་སྐོར་དཔེ་དེབ་བགོ་འགྲེམས་གནང་ཡོད་པ་བཅས། །