༄༅། །བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་སོ་ནམ་ཞིང་ལས་སྡེ་ཚན་ནས་ཕྱི་ལོ་ ༢༠༢༢ ཟླ་བ་ ༠༧ ཚེས་ ༡༥ ནས་ ༡༧ བར་སོ་ནམ་ཞིང་ལས་རྒྱ་སྐྱེད་འགན་འཛིན་རྣམས་ལ་རྒྱ་གར་ལྷོ་ཕྱོགས་བྷེང་ལོར་དུ་རྟེན་གཞི་བྱས་པའི་རྩི་ཤིང་རིག་པ་ཉམས་ཞིབ་བསྟི་གནས་ཁང་ (Indian Institute of Horticultural Research) དུ་རྩི་ཤིང་རིག་པའི་ཐོན་སྐྱེད་འཕྲུལ་ཆས་གོང་འཕེལ་ (Advances in Horticultural Production Technologies) ཞེས་པའི་བརྗོད་གཞིའི་ཐོག་ཟབ་སྦྱོང་གོ་སྒྲིག་གནང་ཡོད། ཉིན་གསུམ་གྱི་ཟབ་སྦྱོང་དུ་རྒྱ་གར་ནང་གི་སོ་ནམ་ཞིང་ལས་ལ་བརྟེན་པའི་གཞིས་ཆགས་ཁག་གི་ཞིང་ལས་རྒྱ་སྐྱེད་འགན་འཛིན་དགུ་དང་། བལ་ཡུལ་ནས་གཅིག སྦེལ་ཀོབ་ཀྱི་སྐྱེ་ལྡན་སོ་ནམ་ཉམས་ཞིབ་དང་སྦྱོང་བརྡར་ཁང་གི་ལས་བྱེད་གསུམ། ནང་སྲིད་ལས་ཁུངས་ཀྱི་འབྲེལ་ཡོད་ལས་བྱེད་གསུམ་བཅས་ཁྱོན་མི་གྲངས་ ༡༦ མཉམ་ཞུགས་གནང་ཡོད། 

ཟབ་སྦྱོང་སྐབས་མཉམ་ཞུགས་པ་རྣམས་ནས་འབྲེལ་ཡོད་བསླབ་གཞི་ཁག་ལ་དོ་དབྱིངས་ཆེན་པོ་སློབ་སྦྱོང་གནང་ཡོད་པ་མ་ཟད། རང་གནས་སུ་དེ་འབྲེལ་ལས་དོན་ལག་བསྟར་གནང་ཕྱོགས་ཐད་སློབ་སྟོན་པའི་དྲུང་ནས་ལམ་སྟོན་ཞུས་ཡོད། སྐབས་བབ་ཟབ་སྦྱོང་མཇུག་སྒྲིལ་མ་ཐག་ཕྱི་ལོ་ ༢༠༢༢ ཟླ་བ་ ༠༧ ཚེས་ ༡༩ དང་ ༢༠ བཅས་ཉིན་གྲངས་གཉིས་རིང་སྦེལ་ཀོབ་སྐྱེ་ལྡན་སོ་ནམ་ཉམས་ཞིབ་དང་སྦྱོང་བརྡར་ཁང་(Information Communication Technology) དང་། པདྨ་མཉེན་ཆས། (Farmer Producer Company) ཐོག་ཚོགས་བཅར་བ་རྣམས་ལ་སྦྱོང་བརྡར་དབུལ་རྒྱུ་ཡིན་འདུག 

ལས་གཞི་འདི་བཞིན་བོད་ཀྱི་ཐེབས་རྩ་བརྒྱུད་ཨ་རིའི་རོགས་ཚོགས་ཀྱིས་མཐུན་འགྱུར་གནང་ཡོད་པ་བཅས།།