༄༅། །ཕྱི་ལོ་ ༢༠༢༢ ཟླ་བ་ ༠༧ ཚེས་ ༠༦ ཉིན་བེལ་ཇམ་ས་གནས་གཞོན་ནུ་ལྷན་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་སྲུང་བརྩི་ཞུས་འདུག

དེ་ཡང་མཛད་སྒོའི་སྐུ་མགྲོན་གཙོ་བོར་བེལ་ཇམ་དོན་ཁང་གི་དྲུང་ཆེ་འཕྲིན་ལས་དབང་འདུས་ལགས་དང་། གཞན་ཡང་སྐུ་མགྲོན་དུ་མེ་ཏོག་རིན་པོ་ཆེ། དགེ་བཤེས་ཚེ་བརྟན་ཕུན་ཚོགས་ལགས། ས་གནས་བོད་མིའི་ཚོགས་པ་ཁག་གི་སྐུ་ཚབ་སོགས་ཕེབས་ཡོད།མཛད་སྒོའི་ཐོག་མར་ས་གནས་གཞོན་ནུ་ལྷན་ཚོགས་ཀྱི་ཚོགས་གཙོ་ཐུབ་བསྟན་འཕེལ་རྒྱས་ལགས་ཀྱིས་དུས་ཆེན་ངོ་སྤྲོད་གནང་གྲུབ་མཚམས་བེལ་ཇམ་བོད་རིགས་སྤྱི་མཐུན་ཚོགས་པའི་ཚོགས་གཙོ་དཔལ་ལྡན་ལགས་ཀྱིས་བོད་མི་སྤྱི་བོ་གནམ་བསྟན་ཡོངས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་གཞི་སྒྲུབ་ཐབས་སུ་འབད་རྩོལ་གནང་དགོས་པའི་འབོད་སྐུལ་ཞུས་འདུག

སྐུ་མགྲོན་གཙོ་བོ་བེལ་ཇམ་དོན་ཁང་གི་དྲུང་ཆེ་དཔལ་ལྡན་ལགས་ཀྱིས་སྐབས་དེར་དཔལ་ལྡན་བཀའ་ཤག་གི་གསུང་འཕྲིན་སྒྲོགས་སྦྱང་གནང་བ་སྦྲགས། བོད་མི་རྣམས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་ཇི་ཕེབས་རྣམས་ཉིན་རེར་ལག་ལེན་དུ་ཁེལ་ཐབས་གནང་དགོས་པའི་རེ་སྐུལ་གནང་། དེ་བཞིན་སྐབས་དེར་བློ་བཟང་མཁས་གྲུབ་ལགས་ཀྱིས་རང་ཉིད་ཀྱི་ཁང་པའི་འོག་ཐོག་ཏུ་བོད་ཕྲུག་རྣམས་ཀྱི་ཆེད་དབུ་འཛུགས་ཞུས་པའི་གངས་ལྗོངས་དཔེ་ཀློག་ཁང་ཞེས་པ་དེ་ཉིད་དྲུང་ཆེ་འཕྲིན་ལས་དབང་འདུས་ལགས་ཀྱིས་དབུ་འབྱེད་གནང་འདུག 

དེ་རྗེས་གཞས་སྣ་འཁྲབ་སྟོན་རིགས་དབུ་འཛུགས་གནང་ཞིང་། མཐར་ཚང་མ་སྒོར་གཞས་ལ་རོལ་བཞིན་མཛད་སྒོ་ལེགས་པར་གྲོལ་འདུག་པ་བཅས།།