༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཉི་ཧོང་སྲིད་བློན་ཟུར་པ་ཚེ་འདས་ཤིན་ཛོ་ཨ་བེ་མཆོག་གི་ནང་མི་ལྟོས་ཤུལ་ཡོངས་ལ་བོད་མི་ཡོངས་ཀྱི་ཚབ་ཞུས་ཏེ་ཐུགས་གསོ་གནང་འདུག 

དེ་ཡང་ཐུགས་གསོའི་འཕྲིན་ཡིག་ནང་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས། ཉི་ཧོང་གི་སྲིད་བློན་ཟུར་པ་དང་སྐུ་ཉིད་ཀྱི་བརྩེ་བའི་བཟའ་ཟླ་ཤིན་ཛོ་ཨ་བེ་མཆོག་གློ་བུར་རྐྱེན་ངན་དབང་གིས་སྐུ་ཚེ་མ་ཟིན་པའི་གནས་ཚུལ་བྱུང་བར་ངས་བོད་མིའི་སྒྲིག་འཛུགས་དང་འཛམ་གླིང་གང་སར་གནས་པའི་བོད་མི་ཡོངས་ཀྱི་ཚབ་ཞུས་ཏེ་སྐུ་ཉིད་ཀྱིས་གཙོས་ནང་མི་ལྟོས་ཤུལ་ཡོངས་ལ་ཐུགས་གསོ་ཞུ་རྒྱུ་ཡིན། 

སྐྱི་གཡའ་བའི་དྲག་པོའི་བྱེད་འཛོལ་དེས་འཛམ་གླིང་སྟེང་གི་འཆར་སྣང་དང་སྙིང་སྟོབས་ཆེ་བའི་དབུ་ཁྲིད་ཅིག་མིང་གི་མཐའ་མར་བྱེད་པར་ང་ཚོ་བློ་ཕམ་ཤིན་ཏུ་ཆེ། ཁོང་འདས་གྲོངས་སུ་གྱུར་བ་དེ་འཛམ་གླིང་ནང་གི་བོད་མི་ཡོངས་ཀྱི་གདུང་ཤུགས་དྲག་པོས་ཚོར་ངེས་ཤིང་། ཁོང་ལ་མཚོན་ན་བོད་མིའི་གྲོགས་པོ་རྙིང་པ་ཞིག་ཡིན་པ་མ་ཟད། ཁོང་གིས་ཉི་ཧོང་དུ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པ་གསར་འཛུགས་སླད་རྒྱབ་སྐྱོར་ཤུགས་ཆེ་གནང་བ་མཚོན། བོད་མིའི་རང་དབང་གི་འཐབ་རྩོད་ལ་རྒྱབ་སྐྱོར་ཞོགས་འདེགས་གནང་བ་རྣམས་དུས་རྟག་ཏུ་དྲན་ངེས་ཡིན། 

ང་ཚོས་ཁོང་གློ་བུར་གོད་ཆགས་རྐྱེན་གྱིས་ཕྱི་མའི་ལྔ་ལམ་དུ་ཕེབས་པར་མྱ་ངན་ཞུ་བཞིན་ཡོད་ནའང་། ཁོང་གི་རླབས་ཆེ་བའི་མཛད་རྗེས་རྣམས་མི་རབས་མང་པོའི་རིང་གསོན་པོར་གནས་ངེས་རེད། དཀའ་སྡུག་ཆེ་བའི་དུས་འདིར་ང་ཚོ་བོད་མི་རྣམས་སྐུ་ཉིད་ཀྱི་ནང་མི་ཉེ་འབྲེལ་དང་ཉི་ཧོང་མི་མང་ཚང་མའི་མཉམ་དུ་ཡོད། ཅེས་གསུངས་འདུག །