༄༅། །བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ནས་འཛམ་གླིང་མཆིན་ནད་དུག་ཐབས་ཉིན་མོར་དྲ་ལམ་བརྒྱུད་འཕྲོད་ལས་པ་དང་ནད་པ་རྣམས་ལ་མཆིན་པའི་གཉན་ཚད་ཀྱི་ནད་གཞི་དང་འབྲེལ་བའི་གོ་རྟོགས་ཀྱི་ལས་གཞི་གཟབ་རྒྱས་སྤེལ་ཡོད། 

དེ་ཡང་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ནས་དྲ་ལམ་བརྒྱུད་གསུང་བཤད་ལས་རིམ་ཞིག་གོ་སྒྲིག་གནང་བའི་ཐོག་དགའ་ལྡན་བྱང་རྩེ་སྤྱི་ཚོགས་འཕྲོད་བསྟེན་སྨན་ཁང་ (Gajang Medical Society) གི་སྨན་པ་དོན་གྲུབ་བཀྲ་ཤིས་ལགས་དང་། བོད་ཀྱི་སྨན་རྩིས་ཁང་གི་སྨན་པ་ལུང་རྟོགས་ལགས། ངག་དབང་བྱམས་པ་ལགས། སྨན་ཞབས་པ་ཡ་མ་ལྷ་མོ་ལགས་བཅས་མཉམ་ཞུགས་གནང་ཡོད།

ལོ་ལྟར་ཕྱི་ཟླ་ ༧ ཚེས་ ༢༨ ཉིན་འཛམ་གླིང་ས་ཕྱོགས་གང་སར་འཛམ་གླིང་མཆིན་ནད་དུག་ཐབས་ཉིན་མོ་སྲུང་བརྩི་ཞུས་ཏེ་མཆིན་པའི་གཉན་ཚད་ཀྱི་ནད་གཞི་དང་འབྲེལ་བའི་ཐོག་གོ་རྟོགས་ཀྱི་ལས་གཞི་གཟབ་རྒྱས་སྤེལ་གྱི་ཡོད། འདི་ལོའི་བརྗོད་གཞི་གཙོ་བོ་ནི། མཆིན་ནད་དུག་ཐབས་ཀྱི་སྨན་བཅོས་སྟབས་བདེ་ཡོང་ཐབས་སུ་དམིགས་ཏེ་མཆིན་ནད་དུག་ཐབས་སྐོར་གོ་རྟོགས་སྤེལ་རྒྱུ་དེ་ཡིན།