༄༅། །རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཐེངས་བརྒྱད་པ་དེ་བཞིན་ཕྱི་ལོ་ ༢༠༢༢ ཟླ་ ༦ ཚེས་ ༢༢ ནས་ ༢༣ བར་ཉིན་གྲངས་གཉིས་རིང་ཨ་རིའི་རྒྱལ་ས་ཝ་ཤིང་ཊོན་དུ་ཚོགས་གནང་གི་འདུག
ཚོགས་འདུར་བོད་མི་མང་སྤྱི་འཐུས་ལྷན་ཚོགས་ཀྱི་འཐུས་མི་དང་། དེ་བཞིན་འཛམ་གླིང་རྒྱལ་ཁབ་མི་འདྲ་བ་ཁག་ ༢༦ ནས་ཚོགས་བཅར་བ་ཁྱོན་མི་གྲངས་ ༡༠༠ ལྷག་ཙམ་མཉམ་ཞུགས་གནང་གི་འདུག དངོས་སུ་ཚོགས་བཅར་མ་ཐུབ་པ་ཁག་གཅིག་དྲ་ལམ་བརྒྱུད་མཉམ་ཞུགས་གནང་རྒྱུ་རེད་འདུག ཚོགས་འདུ་དབུ་འབྱེད་མཛད་སྒོའི་ཐོག་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བརྙན་འཕྲིན་བརྒྱུད་བཀའ་སློབ་བསྩལ་རྒྱུ་ཡིན་པ་དང་། དེ་བཞིན་ཨ་རིའི་གྲོས་ཚོགས་འོག་མའི་ཚོགས་གཙོ་ལྕམ་སྐུ་ནེན་སི་པི་ལོ་སི་ (Nanci Pelosi) མཆོག་གིས་ཀྱང་གསུང་བཤད་གནང་རྒྱུ་རེད་འདུག
དེ་ཡང་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་གསུང་དོན། རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཐེངས་བརྒྱད་པ་དེ་བཞིན་ཨ་རིའི་རྒྱལ་ས་ཝ་ཤིང་ཊོན་དུ་འཚོགས་ཀྱི་ཡོད། ཚོགས་འདུ་དབུ་འབྱེད་ཀྱི་མཛད་སྒོར་ཨ་རིའི་གྲོས་ཚོགས་ཚོགས་ཁང་གི་ར་བའི་ནང་ཚོགས་གནང་རྒྱུ་དང་། སྐབས་དེར་ཨ་རིའི་གྲོས་ཚོགས་འོག་མའི་ཚོགས་གཙོ་ལྕམ་སྐུ་ནེན་སི་པི་ལོ་སི་ (Nancy Pelosi) མཆོག་ཕེབས་གནང་རྒྱུ་ཡིན་པ་མ་ཟད། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསུང་འཕྲིན་ཡོད།
ཚོགས་བཅར་བའི་ཁོངས་འཛམ་གླིང་རྒྱལ་ཁབ་ཁག་ ༢༧ ཙམ་ནས་དངོས་སུ་ཕེབས་མཁན་དང་དྲ་རྒྱ་བརྒྱུད་གསུང་འཕྲིན་གནང་མཁན་ཡོད། དངོས་སུ་བཅར་མཁན་མི་གྲངས་ ༡༠༠ ཙམ་ཆགས་ཀྱི་འདུག དེར་བརྟེན་གཙོ་བོ་བོད་ཀྱི་རིག་གཞུང་དང་། བོད་མིའི་ངོ་བོ་དེ་རྒྱལ་སྤྱིའི་ནང་སྲུང་སྐྱོབ་དང་། ལྷག་པར་བོད་མིའི་རིག་གཞུང་ཐོག་ནས་རྒྱལ་སྤྱིའི་ནང་ཞི་བདེ་ཡོང་ཐུབ་པའི་ནུས་པ་ཁྱད་པར་བ་ཞིག་ཡོད་པ་དེ་ངོས་འཛིན་ཞུ་རྒྱུ་དང་། དེ་འདྲའི་ཐོག་ནས་སྲུང་སྐྱོབ་ཡོང་བའི་ཐུགས་འགན་བཞེས་རྒྱུ། གཞན་ཡང་བོད་ནང་གི་བོད་མིའི་གཞི་རྩའི་འགྲོ་བ་མིའི་ཐོབ་ཐང་དང་། ཆོས་དད་རང་དབང་། དེང་སྐབས་སྤྲུལ་སྐུའི་ལམ་ལུགས་ཡང་སྲིད་ཐབས་འཚོལ་གནང་རྒྱུའི་ཐོག་རྒྱ་ནག་གཞུང་གི་སྲིད་བྱུས་མི་འདྲ་བ་མང་དག་ཅིག་འཛིན་བཞིན་ཡོད་པ་དེ་དག་གི་ཐོག་ང་ཚོའི་ངོས་ནས་གོ་བསྡུར་གནང་སྟེ་རྒྱལ་སྤྱིའི་ནང་ཐུགས་སྣང་གནང་དགོས་རྒྱུ་དང་། དེའི་ཐོག་གོ་བསྡུར་གྱི་ཐོག་ནས་མཐར་བསྒྲགས་གཏམ་བརྒྱུད་གསལ་པོ་ཡོང་གི་རེད་བསམ་གྱི་འདུག
གཙོ་བོ་བོད་རྒྱའི་དཀའ་རྙོག་དེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་རྒྱ་ནག་གཞུང་གི་སྐུ་ཚབ་དབར་གྲོས་མོལ་གྱི་ཐོག་ནས་བོད་དོན་ཞི་འགྲིག་ཡོང་བའི་ཐབས་ལམ་སླད་གྲོས་ཚོགས་འཐུས་མི་མང་པོ་ཞིག་འདིར་ཕེབས་ཀྱི་ཡོད་པ་མ་ཟད། དྲ་ལམ་བརྒྱུད་མཉམ་ཞུགས་གནང་གི་ཡོད་པར་བརྟེན་བོད་ཀྱི་གནས་སྟངས་སྐོར་གོ་རྟོགས་ཡོང་རྒྱུ་དང་། དེའི་ཐོག་ཐབས་ལམ་གསར་པ་དང་ནུས་པ་འཐོན་པའི་ཁོར་ཡུག་ག་འདྲ་ཡོད་པ་གོ་བསྡུར་ཡོང་གི་ཡོད། མཐར་བསྒྲགས་གཏམ་ཡོང་གི་རེད། ཅེས་གསུངས།
སྤྱིར་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་དེ་གཙོ་བོ་བོད་མི་མང་སྤྱི་འཐུས་ལྷན་ཚོགས་ནས་གོ་སྒྲིག་གནང་གི་ཡོད་པ་རེད། རྒྱལ་སྤྱིའི་གྲོས་ཚོགས་འཐུས་མི
ཚོགས་འདུའི་དམིགས་ཡུལ་གཙོ་བོ་ནི་བོད་དོན་བདེན་མཐའ་གསལ་རྒྱུའི་ཐོག་འཛམ་གླིང་རྒྱལ་ཁབ་ཁག་འདྲ་མིན་གྱི་གྲོས་ཚོགས་འཐུས་མིའི་ངོས་ནས་རྒྱབ་སྐྱོར་སྔར་ལྷག་ཤུགས་ཆེ་རུ་གཏོང་ཐབས་གནང་རྒྱུའི་སླད་ཡིག་འདུག་པ་བཅས། །
