༄༅། །བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་བཙན་བྱོལ་བོད་མིའི་གཞིས་ཆགས་ཁག་བཅོ་བརྒྱད་དང་བོད་སློབ་ཁག་བཅུ་གཉིས་ནང་སེམས་ཁམས་འཕྲོད་བསྟེན་སྐོར་གོ་རྟོགས་ཀྱི་ཟླ་བ་སྲུང་བརྩི་ལེགས་པར་ཞུས་ཡོད།

དེ་ཡང་གོ་རྟོགས་སྤེལ་བའི་སྐབས་གཙོ་བོ་སེམས་ཁམས་མི་བདེ་བའི་ནད་པར་དམའ་འབེབ་མ་བྱས་པར་དེ་ཉིད་རྒྱུན་གཏན་གྱི་ནད་གཞིར་ངོས་འཛིན་བྱ་རྒྱུར་འབད་རྩོལ་བྱས་ཤིང་། དེར་མཉམ་ཞུགས་པ་རྣམས་ནས་རྒྱབ་སྐྱོར་ཤུགས་ཆེ་བསྟན་ཡོད།

གཞན་ཡང་ཚན་པའི་ངོས་ནས་བརྗོད་གཞི་དེ་དང་འབྲེལ་བའི་གསུང་བཤད་དང་། གཏམ་བརྗོད་སོགས་ལས་གཞི་སྣ་ཚོགས་སྤེལ་ཡོད་པ་དང་། དེ་མཚུངས་མཉམ་ཞུགས་པ་རྣམས་ནས་སེམས་ཁམས་འཕྲོད་བསྟེན་གྱི་གལ་གནད་སྐོར་དམངས་ཚོགས་ཁྲོད་རྒྱ་ཁྱབ་ཏུ་སྤེལ་རོགས་གནང་བར་བསྔགས་བརྗོད་གནང་ཡོད་པ་བཅས།།