༄༅། །ཕྱི་ལོ་ ༢༠༢༢ ཟླ་བ་ ༠༦ ཚེས་ ༡༣ ཉིན་བེལ་ཇམ་སྐུ་ཚབ་དོན་གཅོད་རིག་འཛིན་ཆོས་སྒྲོན་ལགས་ཀྱིས་ཡུ་རོབ་གྲོས་ཚོགས་ཀྱི་འཐུས་མི་དང་ཡུ་རོབ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་ (Tibet Interest Group) ཚོགས་གཙོ་སྐུ་ཞབས་མི་ཀུ་ལས་པེག་ས་མཆོག་དང་མཇལ་འཕྲད་གནང་ཡོད།

སྐབས་དེར་སྐུ་ཚབ་དོན་གཅོད་རིག་འཛིན་ཆོས་སྒྲོན་ལགས་ཀྱིས་གྲོས་ཚོགས་འཐུས་མི་པེག་ས་མཆོག་གིས་མཇལ་འཕྲད་ཀྱི་གོ་སྐབས་གནང་བ་དང་། ཡུ་རོབ་གྲོས་ཚོགས་ནང་བོད་དོན་རྒྱབ་སྐྱོར་ཚོགས་པའི་སྣེ་ཁྲིད་གནང་བར་ཐུགས་རྗེ་ཆེ་ཞུས་པ་དང་ཆབས་ཅིག བོད་དོན་དང་འབྲེལ་གནད་དོན་ཁག་གཅིག་གི་སྐོར་སྙན་སེང་ཞུས་ཡོད། ཆུ་ཚོད་གཅིག་དང་ཕྱེད་ཀ་ཙམ་གྱི་མཇལ་མོལ་ནང་ཁོང་རྣམ་གཉིས་ནས་ཡུ་རོབ་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་བྱེད་སྒོ་ཁག་དང་འབྱུང་འགྱུར་མཉམ་ལས་གནང་འཆར་སོགས་ཀྱི་སྐོར་ལ་གྲོས་བསྡུར་ལྷུག་པོ་གནང་ཡོད་པ་བཅས།།