༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གི་ཁེ་ན་ཊ་ཁུལ་གྱི་གཞུང་འབྲེལ་འཚམས་གཟིགས་ཀྱི་ཉིན་གཉིས་པ་སྟེ་ཕྱི་ལོ་ ༢༠༢༢ ཟླ་བ་ ༠༥ ཚེས་ ༠༤ ཉིན་ཨོ་ཊ་ཝར་ཁེ་ན་ཊའི་གྲོས་ཚོགས་འཐུས་མི་དང་། ཡུན་རིང་བོད་དོན་ལ་རྒྱབ་སྐྱོར་གནང་མཁན་སྐུ་ཞབས་གྷར་ནེཊ་ཇི་ནུ་སི་མཆོག་དང་མཇལ་མོལ་གནང་ཡོད། 

ཐེངས་འདིའི་མཇལ་མོལ་ཐད་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཊུའི་ཊར་ཐོག གྲོས་ཚོགས་འཐུས་མི་སྐུ་ཞབས་གྷར་ནེཊ་ཇི་ནུ་སི་མཆོག་དང་ལྷན་མཇལ་འཕྲད་དོན་ཕན་ལྡན་པ་བྱུང་། ཁོང་གིས་ཁེ་ན་ཊའི་གྲོས་ཚོགས་ནང་བོད་མིའི་མངོན་འདོད་མཚོན་ཐུབ་པར་རྒྱབ་སྐྱོར་དང་། ཡུན་རིང་ཕན་གྲོགས་གནང་བར་བཀའ་དྲིན་ཆེ་ཞེས་བཀོད་གནང་འདུག་པ་བཅས།།