༄༅། །བོད་མདོ་དབུས་ཁམས་གསུམ་ནང་ཏོག་དབྱིབས་ནད་ཡམས་ཁྱབ་བརྡལ་ཤུགས་ཆེ་བྱུང་སྟེ་བོད་མི་མང་པོར་འགོས་ཁྱབ་བྱུང་ཡོད་པའི་ཁོངས་སུ་དེ་སྔ་རྒྱ་གར་དང་བལ་ཡུལ་ནས་ཕྱིར་བོད་དུ་གཏན་ལོག་གནང་མཁན་རྣམས་ལ་དམིགས་བསལ་དཀའ་ངལ་འཕྲད་བཞིན་ཡོད།

དེ་ཡང་རྒྱ་གཞུང་གིས་ཕྱིར་ལོག་གནང་བའི་བོད་མི་རྣམས་ཀྱི་དེ་སྔའི་ཐོབ་ཐང་ལག་འཁྱེར་ ༼ ཧྲིན་ཕེང་ཀྲན་ Shen Fen Zheng:Citizenship Identification Card ༽ དང་ཧུའུ་ཀུའོ་ ( Hukuo: Household Registration) ཕྱིར་བསྡུས་བྱས་རྗེས་ད་ལྟའང་ཚབ་གསར་བཟོ་སྤྲོད་ཀྱི་ཆོག་མཆན་མེད་པར་བརྟེན་འཚོ་བའི་ཁྲོད་དཀའ་ངལ་མང་དག་ཅིག་འཕྲད་མུས་ཐོག་བར་ལམ་ནད་ཡམས་ཁྱབ་བརྡལ་བྱུང་སྐབས་ཐོབ་ཐང་ལག་འཁྱེར་མེད་པར་བརྟེན་ཏོག་དབྱིབས་སྨན་བཅོས་མཐུན་རྐྱེན་ཡོད་པའི་སྨན་ཁང་ཁག་ཏུའང་སྨན་བཅོས་ཀྱི་མཐུན་འགྱུར་དང་གཞི་རིམ་འཕྲོད་བསྟེན། སྨན་བཅོས་ཀྱི་ཐོབ་ཐང་ཡང་སྤྲོད་ཀྱི་མེད་པའི་གནས་སྟངས་ཆགས་ཡོད་འདུག་ཅིང་། ཁག་གཅིག་སྨན་བཅོས་ཀྱི་མཐུན་རྐྱེན་མ་རག་པར་འདས་གྲོངས་སུ་ཕྱིན་ཡོད་པའི་གནས་ཚུལ་དང་། ཟླ་བགཅིག་ལྷག་ཙམ་གྱི་གོང་དཀར་མཛེས་རྫོང་ཁོངས་སུ་ཡོད་པའི་ཕྱིར་ལོག་བོད་མི་ཚོར་ཁྱིམ་ཐོ་བཟོ་རྒྱུའི་ཡོངས་ཁྱབ་གསལ་བསྒྲགས་ཤིག་སྤེལ་ཡོད་འདུག་ཀྱང་ད་བར་བོད་མི་གཏན་ལོག་གནང་མཁན་སུ་གཅིག་ལ་ཁྱིམ་ཐོ་བཟོས་པ་བྱུང་མེད་པ་བཅས། །