༄༅། །ཕྱི་ལོ་ ༢༠༢༢ ཟླ་ ༤ ཚེས་ ༢༡ ཉིན་ཨ་རིའི་གྲོས་ཚོགས་གོང་མའི་མང་མོས་དབུ་ཁྲིད་ཆར་ལི་སི་ཤུ་མར་ (Charles E. Schumer) མཆོག་གི་རྒྱལ་ཡོངས་བདེ་སྲུང་སློབ་སྟོན་པ་མ་ཡི་ཀེལ་ཀ་ཡེ་ཀེན་ (Michael Kuiken) ལགས་དང་། ཨ་རིའི་གྲོས་ཚོགས་གོང་མའི་ཕྱི་འབྲེལ་ལས་དོན་ཚོགས་ཆུང་གི་སློབ་སྟོན་པ་རྒན་པ་མ་ཡི་ཀེལ་ཞི་ཧྥར་ (Michael Shiffer) ལགས། ལྡི་ལི་ཨ་རིའི་གཞུང་ཚབ་ཁང་གི་སློབ་སྟོན་པ་གྷིར་ཧམ་མེ་ཡར་ (Graham Mayer) ལགས་དང་ཕྱི་འབྲེལ་ལས་དོན་ཚན་པའི་འབྲེལ་ཡོད་ལས་བྱེད་ཨན་ཌིའོ་ཨོ་ (Andrew ou) ལགས་བཅས་ནས་བཀའ་ཤག་གི་མཇལ་འཕྲད་ཁང་དུ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་མཇལ་འཕྲད་གནང་ཡོད། སྐབས་དེར་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་དང་། ཤེས་རིག་བཀའ་བློན་ཐར་ལམ་སྒྲོལ་མ་མཆོག  ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག བཀའ་དྲུང་ཆུ་སྐྱ་སྦྲ་གཉིས་ཚེ་རྒྱལ་ལགས། ཕྱི་དྲིལ་དྲུང་ཆེ་ཀརྨ་ཆོས་དབྱིངས་ལགས་བཅས་ཕེབས་གནང་ཡོད།།