༄༅།བོད་མིའི་སྒྲིག་འཛུགས་ཀྱི་ལས་ཁུངས་ཁག་གི་ཆེད་ཁ་ལོ་པ་གཅིག་གསར་འདེམས་ཀྱི་བསྐོ་གཞག་གནང་རྒྱུ་ཡིན་པས་གཤམ་གསལ་ཆ་རྐྱེན་ཚང་ཞིང་བོད་མིའི་སྒྲིག་འཛུགས་ཁོངས་འཛུལ་ཞུགས་གནང་འདོད་ཡོད་རིགས་ནས་ཕྱི་ལོ་༢༠༢༢ ཟླ་ ༥ ཚེས་ ༢༤ ཕྱི་དྲོ་ཕྱག་ཚོད་ ༥ འགྱངས་མེད་དྲྭ་ཐོག་འཚང་སྙན་འབུལ་གནང་ཡོང་བ་ཞུ།

ཀ༽ ས་མིག     ལས་བྱའི་སྡེ་ཚན་ཁོངས་ལས་བྱ་ཁ་ལོ་པའི་ས་མིག་གཅིག ༼ ༠༡ ༽

ཁ༽ དགོས་ངེས་ཆ་རྐྱེན།

༡༽  ཤེས་མྱོང་།     ཁ་ལོ་པའི་ལག་འཁྱེར་ཚད་ལྡན་ཐོག་ཉུང་མཐར་ལོ་གཉིས་སྣུམ་འཁོར་བཏང་པའི་ཉམས་མྱོང་ཡོད་པའི་ངོས་སྦྱོར་ཚད་ལྡན་དགོས། ༼ཉམས་མྱོང་དང་ཁ་ལོ་པའི་ལག་འཁྱེར་གྱི་ངོ་བཤུས་འབུལ་དགོས། ༽

༢༽  ལོ་ཚད།   ༢༠༢༢།༠༥།༢༤ ཉིན་རང་ལོ་ ༢༡ ལས་མི་ཉུང་ཞིང་ ༤༠ ལས་མ་བརྒལ་བ་དགོས།

༣)  རྒྱུགས་གཞི།    སྣུམ་འཁོར་གཏོང་རྒྱུའི་ལག་བསྟར་ཡིག་ཚད་དང། ངག་རྒྱུགས་ལེན་རྒྱུ།    

༤༽ འདེམས་རྒྱུགས་འཕྲོད་པར་སྣུམ་འཁོར་གཏོང་རྒྱུའི་ལག་བསྟར་ཡིག་ཚད་དེར་བརྒྱ་ཆ་ ༧༠% དང་།   ལམ་ཡིག་ངོས་འཛིན་དང་ངག་རྒྱུགས་ལ་བརྒྱ་ཆ་ ༣༣% རེ་བཅས་ལོན་དགོས་པ་ཡིན།

༥༽  དང་བླངས་དཔྱ་དངུལ་ལག་དེབ་ཀྱི་ཤོག་གྲངས་དང་པོ་དང་། གཉིས་པ།     འབུལ་འབབ་གཙང་ཕུལ་ཟིན་པའི་མཐའ་མའི་ངོ་བཤུས།

༦༽  ཁྲིམས་མཐུན་སྐྱེས་ཚེས་ལག་འཁྱེར་ (Birth Certificate) གྱི་ངོ་བཤུས།

༧༽ བོད་མིའི་སྒྲིག་གཛུགས་ཀྱི་འཕྲོད་བསྟེན་ལས་ཁུངས་ཁྱབ་ཁོངས་རྒྱ་བོད་སྨན་ཁང་ཡོད་ན་དང་། དེ་མིན་སྨན་ཁང་ཚད་ལྡན་གང་རུང་ནས་ནད་གཅོང་དང་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་ (Medical Certificate) ཁ་གསར་སྟེང་རང་ཉིད་ཀྱི་འདྲ་པར་མཉམ་སྦྱར་ཐོག་སྨན་པའི་ལས་དམ་དང་། ས་རྟགས་འཁོད་པ་ངོ་མ། 

༨༽ འབྲེལ་ཡོད་ས་གནས་འགོ་འཛིན་ནས་བྱ་སྤྱོད་ཐལ་སྐྱོན་མེད་པའི་ངོས་སྦྱོར་ (Character Certificate) ངོ་མ།

འཚང་སྙན་འབུལ་མཁན་རྣམས་ནས་གཤམ་གསལ་དྲྭ་མཐུད་ནང་ཡོད་འཚང་སྙན་འགེངས་ཤོག་ཞིབ་བཀང་གིས་ཕྱི་ལོ་ ༢༠༢༢ ཟླ་ ༠༥ ཚེས་ ༢༤ ནང་ཚུན་དྲྭ་ཐོག་འབུལ་ལམ་ཞུ་དགོས། དུས་བཀག་རྗེས་འཚང་སྙན་ཕུལ་འབྱོར་རིགས་རྩིས་མེད་ཡིན། དུས་ཐོག་འགེངས་ཤོག་འབྱོར་བ་ཆ་ཚང་ལ་ཞིབ་འཇུག་ཚོགས་ཆུང་ནས་ཞིབ་འཇུག་དང་འབྲེལ་འོས་ཆོས་ཚང་བ་ཚོར་དུས་ཐོག་འབོད་བརྡ་བྱ་རྒྱུར་སྐབས་བསྟུན་ཤེས་ཚད་ལག་འཁྱེར་སོགས་ཡིག་ཆ་ངོ་མ་ཁག་མཉམ་འཁྱེར་གྱིས་འབྱོར་ཐོ་འགོད་སྒྱུར་བཅར་དགོས་པ་བཅས་ཀྱི་གསལ་བསྒྲགས་སུ། ལས་བྱེད་འདེམས་བསྐོ་ལྷན་ཁང་ནས་ ༢༠༢༢ ཟླ་ ༠༤ ཚེས་ ༢༥ ལ།། 

https://docs.google.com/forms/d/1dZXqKg9Dk6Quu1ZrroSZmjofcPUf0KK3UcNVn7Hc_UE/edit

Secretary

Public Service Commission

Central Tibetan Administration

Gangchen Kyishong, Dharamsala-176215

Distt.Kangra(H.P)

E-mail:[email protected]