༄༅། །ཅེཀ་སྤྱི་མཐུན་རྒྱལ་ཁབ་ཀྱི་བོད་དོན་རྒྱབ་སྐྱོར་ཚོགས་པ་དང་། རྒྱལ་སྤྱིའི་བོད་དོན་ལས་འགུལ་ཁང་། བོད་ཀྱི་སྲིད་བྱུས་ཉམས་ཞིབ་ཁང་། ཡུ་རེག་ཉམས་ཞིབ་བསྟི་གནས་ཁང་བཅས་ཐུན་མོང་གི་གོ་སྒྲིག་འོག་ཕྱི་ལོ་ ༢༠༢༢ ཟླ་ ༠༤ ཚེས་ ༢༡ ཉིན་ནས་དབུ་འཛུགས་ཀྱིས་ཕྱི་ཚེས་ ༢༣ བར་ཉིན་གྲངས་གསུམ་རིང་བཞུགས་སྒར་རྡ་སར་ཁོར་ཡུག་སྐོར་གྱི་ཚོགས་འདུ་འཚོགས་གཏན་ཁེལ་ཡོད་པ་དང་། ཁ་སང་སྟེ་ཕྱི་ལོ་༢༠༢༢ ཟླ་ ༠༤ ཚེས་ ༢༠ རེས་གཟའ་ལྷག་པ་ཉིན་གྱི་དགོང་དྲོར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག བཀའ་དྲུང་ཆུ་སྐྱ་སྦྲ་གཉིས་ཚེ་རྒྱལ་ལགས་བཅས་ནས་བཀའ་ཤག་གི་མཇལ་འཕྲད་ཁང་དུ་ཁོར་ཡུག་ཚོགས་འདུར་མཉམ་ཞུགས་གནང་མཁན་ཁོར་ཡུག་ལས་འགུལ་བ་དང་། ཚན་རིག་པ། ཁེ་ལས་པ་རྣམ་པར་མཇལ་འཕྲད་ཀྱིས་གླེང་མོལ་གནང་ཡོད། ཕྱི་ཚེས་ ༢༢ ཉིན་ཚོགས་བཅར་བ་ཡོངས་ནས་གོ་ལའི་ཉིན་མོའི་དུས་དྲན་སྲུང་བརྩི་ཞུ་གཏན་ཁེལ་ཡོད་པ་བཅས།།
བོད་མིའི་སྒྲིག་འཛུགས་ཀྱི་སྲིད་དཔལ་ལྡན་སྐྱོང་སྤེན་པ་ཚེ་རིང་མཆོག་དང་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་གིས་ཁོར་ཡུག་ལས་འགུལ་བ་རྣམས་དང་ལྷན་གླེང་མོལ་གནང་བ།
གསར་གནས།
འབྲེལ་གནས།
