༄༅། །བ་རཱ་ཛིལ་སྐུ་ཚབ་དོན་གཅོད་འཇིགས་མེད་ཚེ་རིང་ལགས་ཀྱིས་བ་རཱ་ཛིལ་དུ་སློབ་གཉེར་བ་བཅོ་ལྔ་ལ་བོད་ཀྱི་རིག་གཞུང་དང་བ་རཱ་ཛིལ་སྐུ་ཚབ་དོན་ཁང་གི་ལས་དོན་བྱེད་ཕྱོགས་སྐོར་གསུང་བཤད་གནང་ཡོད།

དེ་ཡང་གསུང་བཤད་ལས་རིམ་དེ་ནི་ཕྱི་འབྲེལ་མི་སྣ་ཟུར་པ་དང་ཨེ་ཤི་ཡ་རིག་པའི་གཙུག་ལག་སློབ་དཔོན་ཕ་ཧུས་ཏོ་གོ་ཊོ་ཡེ་ (Fausto Godoy) ལགས་ཀྱིས་རེ་སྐུལ་ཞུས་དོན་ལྟར་གནང་བ་ཞིག་ཡིན། སྐབས་དེར་སྐུ་ཚབ་དོན་གཅོད་འཇིགས་མེད་ཚེ་རིང་ལགས་ཀྱིས་སྐུ་ཞབས་ཧུས་ཏོ་གོ་ཊོ་ཡེ་ལགས་ལ་མཇལ་དར་དང་པི་ཀོ་ཨཱི་ཡར་ (Pico Iyer) ལགས་ཀྱིས་བརྩམས་པའི་དཔེ་དེབ་ཡངས་པའི་ལམ། ཏཱ་ལའི་བླ་མའི་གོ་ལའི་འགྲུལ་བཞུད་ (The Open Road: The Global Journey of the Fourteenth Dalai Lama) ཅེས་པ་ཕུལ་ཡོད། 

སྐུ་ཚབ་དོན་གཅོད་མཉམ་དུ་འབུམ་རམས་པ་ཤེ་ལི་བོལ་ (Shelly Bhoil) ལགས་དང་། ཐང་ཀའི་སྒྱུ་རྩལ་བ་ངག་དབང་བློ་གྲོས་ལགས་ལྷན་བཅར་ཞུས་ཤིང་། གསུང་བཤད་ཀྱི་ལས་རིམ་རྗེས་སློབ་གཉེར་བ་རྣམས་ལ་དྲི་བ་དྲིས་ལན་གྱི་གོ་སྐབས་ཀྱང་ཕུལ་ཡོད་པ་བཅས།།