༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཨ་རིའི་ཕྱི་སྲིད་ལྷན་ཁང་གི་མང་གཙོ་དང་འགྲོ་བ་མིའི་ཐོབ་ཐང་། ངལ་རྩོལ་གོང་སྤེལ་ལས་དོན་ཚན་པའི་སྐུ་ཚབ་རྣམ་པ་དང་། མི་འབོར་དང་སྐྱབས་བཅོལ། གནས་སྤོ་ལས་དོན་ཚན་པའི་སྐུ་ཚབ་རྣམ་པ། དེ་བཞིན་ཨ་རིའི་རྒྱལ་སྤྱིའི་ཡར་རྒྱས་རོགས་སྐྱོར་ངོ་ཚབ་ལས་དོན་ཁང་ (U.S. Agency for International Development) གི་སྐུ་ཚབ་རྣམ་པ་བཅས་དང་མཇལ་འཕྲད་གནང་ཡོད།

དེ་ཡང་དཔལ་ལྡན་སྲིད་སྐྱོང་མཆོག་གིས་ཨ་རིའི་སྐུ་ཚབ་རྣམ་པ་དེ་དག་གིས་མུ་མཐུད་བོད་མིའི་སྤྱི་ཚོགས་རྒྱུན་གནས་དང་ཡར་རྒྱས་གོང་འཕེལ་སླད་རོགས་སྐྱོར་གནང་རྒྱུའི་ཆོད་སེམས་བརྟན་པོ་ཡོད་པ་མིག་མཐོང་ལག་ཟིན་བྱུང་སྐབས་རང་ཉིད་ལ་སེམས་ཤུགས་འཕར་མ་བསྐྱེད་བྱུང་ལ། མཇལ་འཕྲད་དེ་བཞིན་དོན་ཕན་ལྡན་པའང་བྱུང་། ང་ཚོའི་ངོས་ནས་མུ་མཐུད་ཕྱི་གསལ་ནང་གསལ་དང་མཉམ་ལས་བྱ་རྒྱུའི་རེ་ལྟོས་བྱེད་ཀྱི་ཡོད། ཅེས་ཊུ་ཝི་ཊར་བརྒྱུད་གསུངས་ཡོད་པ་རེད། །