༄༅། །འདི་གར་བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༢ ཟླ་ ༣ ཚེས་ ༡༦ དང་ ༡༧ ཉིན་ཆོས་རིག་དྲུང་ཆེ་ཀླུ་ཁྲི་ཚང་འཆི་མེད་ཚེ་དབྱངས་ལགས་རྒྱ་གར་འཕགས་ཡུལ་ཧི་མཱ་ཅལ་མངའ་ཁོངས་སྤུ་རུ་ཝ་ལ་དཔལ་ས་སྐྱའི་མ་དགོན་བཤད་གྲྭ་ཐུབ་བསྟན་རྣམ་རྒྱལ་གླིང་དུ་༸སྐྱབས་མགོན་༸གོང་མ་ཛྙ་ན་བཛྲ་རིན་པོ་ཆེ་མཆོག་དཔལ་ས་སྐྱའི་ཁྲི་རབས་ཞེ་གསུམ་པ་ལུགས་གཉིས་གསེར་ཁྲི་མངའ་གསོལ་དང་འབྲེལ་བརྟན་བཞུགས་འདེགས་འབུལ་གྱི་མཛད་སྒོར་མགྲོན་འབོད་ལྟར་སྐུ་མགྲོན་དུ་ཕེབས་གནང་ཡོད་པ་བཅས།།