དེ་ཡང་སྤྱི་འཐུས་དཀོན་མཆོག་ཡང་འཕེལ་ལགས་ཕྱི་ཚེས་ ༡༤ ཉིན་རྒྱལ་ས་ལྡི་ལི་ནས་ཤི་ལི་གྷུ་རིར་ཕེབས་འབྱོར་གནང་རྒྱུ་དང་། ཕྱི་ཚེས་ ༡༥ ཉིན་སྤྱི་འཐུས་རྣམ་གཉིས་ཤི་ལི་གྷུ་རི་ནས་ཕེབས་ཐོན་གནང་སྟེ། ཁར་ཤང་དང་། བསུ་ན་མདའ་གཉིས་སུ་ལས་རིམ། ཕྱི་ཚེས་ ༡༦ ཉིན་མི་རིག་དང་། སུ་ཁེ། སྤོང་རི་སྤོང་བཅས་སུ་ལས་རིམ།  ཕྱི་ཚེས་ ༡༧ ཉིན་མ་ཎི་བྷ་ཇང་དང་། ཅི་ཏི་རེ། གུམ་བཅས་སུ་ལས་རིམ། ཕྱི་ཚེས་ ༡༨ ཉིན་རྡོར་གླིང་ཁུལ་དུ་ལས་རིམ། ཕྱི་ཚེས་ ༡༩ ཉིན་སྤྱི་འཐུས་རྣམ་པ་གཉིས་རྡོར་གླིང་ནས་སོ་སོའི་བཞུགས་གནས་སུ་ཕྱིར་ཕེབས་གནང་རྒྱུ་ཡིན་པ་བཅས། །