༄༅། །ཕྱི་ལོ་ ༢༠༢༢ ཟླ་ ༠༡ ཚེས་ ༠༡ ནས་ཟླ་ ༣ ཚེས་ ༣༡ བར་བོད་མིའི་སྨན་བཅོས་ལྟ་སྐྱོང་ལས་གཞིའི་ནང་ཚོགས་མི་དེབ་འགོད་ཀྱི་དུས་ཡུན་ཡིན་པས་ཚང་མས་དུས་ཐོག་ཐོ་འགོད་གནང་སྐྱོང་ཡོང་བའི་འབོད་སྐུལ་ཞུ་རྒྱུ།
ཕྱི་ལོ་ ༢༠༢༡་་་༢༠༢༢ ལོའི་སྨན་བཅོས་ལྟ་སྐྱོང་ལས་གཞིའི་གནས་སྟངས་སྙིང་བསྡུས་གཤམ་གསལ།
༡༽ ཚོགས་ཞུགས་མི་གྲངས་ ༢༦༢༠༧
༢༽ ཕྱི་ལོ་ ༢༠༢༡ ཟླ་ ༤ ཚེས་ ༡ ནས་ཕྱི་ལོ་ ༢༠༢༢ ཟླ་ ༢ ཚེས་ ༢༠ བར་མི་གྲངས་ ༡༧༥༢ ལ་སྨན་གྲོན་ཕྱིར་སློག་ཞུས།
༣༽ མང་ཚོགས་ལ་སྨན་གྲོན་ཧིན་སྒོར་ ༡༧༧༡༦༨༦༥ འགྲོ་གྲོན་བཏང་ཟིན།
༤༽ སྨན་བཅོས་ལྟ་སྐྱོང་ལས་གཞི་འདི་ནི་རྒྱ་གར་ནང་གནས་སྡོད་བཙན་བྱོལ་བོད་མིའི་གཞི་ཆགས་ཁག་ ༣༧ དང་། ཁ་འཐོར་ས་གནས་ཁག་ཏུ་གནས་སྡོད་བོད་མི་ཡོངས་ལ་ཁྱབ་པ་ཡིན།
སྨན་བཅོས་ཁེ་ཕན་གྱི་དུས་ཡུན། ཕྱི་ལོ་ ༢༠༢༢ ཟླ་ ༤ ཚེས་ ༡ ནས་ཕྱི་ལོ་ ༢༠༢༣ ཟླ་ ༣ ཚེས་ ༣༡ བར་ཡིན།
ཐོ་འགོད་ཞུ་ཡུལ། ས་གནས་འགོ་འཛིན་ལས་ཁུངས་སམ་ས་གནས་འཕྲོད་བསྟེན་སྨན་ཁུངས།
བཙན་བྱོལ་བོད་མིའི་སྨན་བཅོས་ལྟ་སྐྱོང་ལས་གཞིའི་སྐོར་ཞིབ་ཕྲ་མཁྱེན་རྟོགས་གནང་འདོད་ཡོད་ཚེ་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་དྲ་ཚིགས www.tibetanhealth.org ལ་གཟིགས་གནང་ཡོང་བ་ཞུ།།
