༄༅། །འདི་གར་ཐའེ་ཝན་བོད་ཀྱི་སྐུ་ཚབ་དོན་གཅོ
འདི་ཟླའི་ཚེས་ ༢༡ དང་ ༢༢ ཉིན་གཉིས་རིང་ཐའེ་ཝན་བོད་ཀྱི་སྐུ་ཚབ་དོན་གཅོད་ལས་ཁུངས་ཀྱི་དྲུང་ཆེ་བསོད་ནམས་རྡོ་རྗེ་ལགས་ཀྱི་ལས་དོན་ཁག་དྲུང་ཆེ་གསར་པ་ལས་བཅར་མ་ཞུ་བའི་སྔོན་དུ་དོན་ཁང་གི་རྩིས་པ་ཚེ་རིང་རྡོ་རྗེ་ལགས་དང་ལས་དོན་ཁག་གཅིག་ལས་བྱེད་ལི་པི་ཀྲའོ་ལགས་ལ་སྐུ་ཚབ་དོན་གཅོད་སྤྲོད་དཔང་ཐོག་རྩིས་སྤྲོད་རྩིས་ལེན་ལེགས་པར་གྲུབ་པ་དང་། དྲུང་ཆེ་བསོད་ནམས་རྡོ་རྗེ་ལགས་ཚོགས་དྲུང་ལས་ཁུངས་ཀྱི་དྲུང་ཆེར་གནས་སྤར་གནས་སྤོས་བཏང་སྟེ་ཚེས་ ༢༤ ཉིན་ཐའེ་ཝན་ནས་ཁ་གྱེས་རྒྱུའི་གནས་ཚུལ་ཐོན་རྗེས་ཐའེ་ཝན་ནང་གི་གཞུང་དང་གཞུང་ཁོངས་མིན་པའི་ཚོགས་སྡེ། མི་སྒེར་སོ་སོ་བཅས་ནས་ཕེབས་བསྐྱེལ་གྱི་གསོལ་སྟོན་འཚང་ཀ་ཤིག་ཤིག་དང་འབྲེལ་ཕྱི་ཚེས་ ༡༨ ཉིན་བོད་མིའི་བློས་ཐོབ་གྲོགས་པོ་ཐའེ་ཝན་ཧྭ་ཀ་ལྷན་ཁང་གི་བློན་ཆེན་སྐུ་ཞབས་ཡངས་ཁྲང་ཀྲིན་མཆོག་ཆེད་དུ་ལས་ཁུངས་སུ་ཕེབས་བསྐྱེལ་ལ་བཅར་བ་དང་། གོ་སྐབས་དེ་དང་བསྟུན་དོན་ཁང་ནས་ཀྱང་བཙན་བྱོལ་བོད་མིའི་ཕྱི་བསྐྱོད་ལག་དེབ་སེར་པོའི་མཐོང་མཆན་དང་འབྲེལ་ལས་དོན་ཁག་གཅིག་ཐོག་སླར་ཡང་ཞབས་བསྐུལ་ཞུས་ཡོད།
དེ་ནས་དོན་ཁང་ནས་ཀྱང་དྲུང་ཆེ་ལ་ཕེབས་བསྐྱེལ་གྱི་གསོལ་ཇ་དང་། དྲུང་ཆེ་ཕྱི་ཚེས་ ༢༤ ཉིན་ཐའེ་ཝན་ནས་རྡོག་ཐོན་གྱི་ཕྱི་ཚེས་ ༢༨ ཉིན་ཚོགས་དྲུང་ལས་ཁུངས་ཀྱི་དྲུང་ཆེར་ལས་བཅར་ཞུ་རྒྱུ་ཡིན་པ་རེད། །
