༄༅། །འདི་གར་ལྡི་ལི་བསམ་ཡས་གླིང་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༡ ཟླ་བ་ ༡༢ ཚེས་ ༢༥ ཉིན་རྒྱ་གར་དབུས་གཞུང་གི་ཕྱི་ལོ ༢༠༢༢ ཟླ་བ་ ༡ ཚེས་ ༣ ནས་རྒྱ་གར་ནང་རང་ལོ་ ༡༥ ནས་ ༡༧ བར་གྱི་བྱིས་པ་རྣམས་ལ་ཏོག་དབྱིབས་གཉན་རིམས་ཀྱི་སྔོན་འགོག་སྨན་ཁབ་རྒྱག་འགོ་འཛུགས་རྒྱུ་ཡིན་པའི་གསལ་བསྒྲགས་གནང་དོན་ལྟར། ཕྱི་ལོ་ ༢༠༢༢ ཟླ་ ༡ ཚེས་  ༡༦ ཉིན་ལྡི་ལི་བསམ་ཡས་གླིང་ས་གནས་འགོ་འཛིན་ཁྱབ་ཁོངས་སུ་ཡོད་པའི་བྱིས་པ་རང་ལོ་ ༡༥ ནས་ ༡༧ བར་གྱི་བྱིས་པ་གྲངས་ ༢༦ ལ་མངའ་སྡེ་གཞུང་གི་མཐུན་འགྱུར་འོག་འདི་གའི་སྨན་ཞབས་མས་འགན་འཁུར་གནང་སྟེ་ཏོག་དབྱིབས་གཉན་རིམས་སྔོན་འགོག་སྨན་ཁབ་ཀོ་ཝེག་སིན་ (Covaxin) ཐུན་དང་པོ་བརྒྱབ་ཐུབ་པ་བྱུང་ཡོད་པ་བཅས། །