༄༅།། དཔལ་ལྡན་དགའ་ལྡན་ཕོ་བྲང་ཡིག་ཚང་ནས་ཕྱི་ལོ་ ༢༠༢༡ ཟླ་ ༡༢ ཚེས་ ༣༠ འཁོད་བཀའ་ཡིག་ཕེབས་དོན་བཞིན། ཏོག་དབྱིབས་ནད་རིམས་ཁྱབ་གདལ་ཡོད་མུས་ཁར། བར་ལམ་ནས་ཨོ་མི་ཀོ་རན་ (Omicron) ཞེས་པ་ནད་དུག་འགོས་ཁྱབ་སླ་བ་དེ་གཉིས་སེལ་ཐབས་སུ་གནས་ཆུང་ཆོས་རྒྱལ་ཆེན་པོའི་བཀའ་ལུང་དགོངས་དོན་རྒྱལ་བལ་ཁུལ་དུ་ཡོད་པའི་དགོན་སྡེ་ཁག་སོ་སོ་ནས་སྔ་འཕྲོས་རིང་ཉ་སྟོང་བརྒྱད་གསུམ་ནམ་ཡིན་ལ་རི་བོ་བསངས་མཆོད་དང།རྡོ་རྗེ་རྣམ་འཇོམས་མའི་ཁྲུས་ཀྱི་ཆོ་ག་དང་འབྲེལ་རྟེན་ཁྲུས་ཡུལ་ཁྲུས་གནད་སྨིན་འབད་སྒྲུབ་དགོས་པའི་རེ་བསྐུལ་དང། མང་ཚོགས་ནས་སྤྱན་རས་གཟིགས་ཀྱི་གཟུངས་སྔགས་ཡི་གེ་དྲུག་མ་དང་། ཏཱ་རེའི་གཟུངས་སྔགས་ཡི་གེ་བཅུ་པ་གཉིས་རྒྱུན་དུ་བགྲང་གསོག་གང་ཐུབ་གནང་རྒྱུ་རང་རེ་སྤྱི་སྒེར་ཡོངས་དང་འཛམ་གླིང་སྐྱེ་འགྲོ་ཡོངས་ཀྱི་ཛ་དྲག་འཇིགས་སྐྱོབ་སླད་གལ་གནད་ཤིན་ཏུ་ཆེ་བ་ལགས་ན། དེ་ལུགས་དགོངས་དབྱིངས་སུ་ཅི་ནས་ཀྱང་འཇགས་པར་འཚལ།བོད་མིའི་སྒྲིག་འཛུགས་ཆོས་རིག་ལས་ཁུངས་ནས་ཕྱི་ལོ་ ༢༠༢༢ ཟླ་ ༡ ཚེས་ ༣ ལ།