༄༅། །ཉེ་ལམ་སི་ནོབ་སིས་(Sinopsis) ཞེས་པའི་ཚོགས་པ་དང་ཨི་ཊ་ལཱིར་རྟེན་གཞི་བྱས་པའི་རྒྱལ་སྤྱིའི་ཁྲིམས་ཀྱི་དབང་སྒྱུར་ཚོགས་ཆུང་(Global Committee for the Rule of Law) ཞེས་པའི་ཚོགས་པ་གཉིས་ཀྱིས་ཟུང་སྦྲེལ་ཐོག་ཞིབ་འཇུག་གནང་བའི་ནང་གསལ་བ་ལྟར་ན། ཨི་ཊ་ལཱི་ནང་རྒྱ་ནག་དམར་ཤོག་ཚོགས་པའི་ཤུགས་རྐྱེན་སྤེལ་མཁན་ངོ་ཚབ་པ་དང་དེ་དག་གི་ལས་འགུལ་འོག་རྒྱ་ནག་གཞུང་གིས་ཨི་ཊ་ལཱིའི་གྲོས་ཚོགས་འཐུས་མི་དང་ཆབ་སྲིད་པའི་བློ་འགུགས་ཐབས་སུ་གནད་དོན་གཞན་མང་པོའི་ནང་ནས་དམིགས་ས་གཙོ་བོ་བོད་གསར་པ་ཞེ་པའི་སྐོར་དྲིལ་བསྒྲགས་བྱེད་ཀྱི་ཡོད་པའི་སྐོར་ཐོན་འདུག
དེ་ཡང་སི་ནོབ་སིས་ཞེས་པའི་ཚོགས་པ་དང་ཨི་ཊ་ལཱིར་རྟེན་གཞི་བྱས་པའི་རྒྱལ་སྤྱིའི་ཁྲིམས་ཀྱི་དབང་སྒྱུར་ཚོགས་ཆུང་ཞེས་པའི་ཚོགས་གཉིས་ཀྱིས་ཟུང་སྦྲེལ་ཐོག་རྒྱ་ནག་དམར་ཤོག་ཚོགས་པས་ཨི་ཊ་ལཱིའི་ཆབ་སྲིད་དང་། སྲིད་བྱུས། མི་མང་གི་བསམ་ཚུལ་སྒྱུར་བཅོས་ཐད་ཤུགས་རྐྱེན་ཇི་ལྟར་སྤྲོད་ཚུལ་སྐོར་ཞིབ་འཇུག་དཔྱིས་ཕྱིན་པ་གནང་བའི་འབྲས་སུ་རྒྱ་ནག་དམར་ཤོག་ཚོགས་པའི་རྒྱལ་སྤྱིའི་འབྲེལ་མཐུད་ལྷན་ཁང་(CCP’s International Liaison Department) དང་ཤུགས་རྐྱེན་སྤྲོད་མཁན་ཚོགས་པ་གཞན་ཚོས་མཛའ་འབྲེལ་ཆེ་བའི་ཟླ་གྲོགས་ཚོགས་པ་དང་། གྲོས་ཚོགས་ནང་དུ་བོད་ཀྱི་སྐོར་དྲིལ་བསྒྲགས་བྱེད་མཁན་ཐོབ་ཐབས་བྱེད་ཀྱི་ཡོད་པ་གསལ་ཁ་བཏོན་འདུག
སི་ནོབ་སིས་ཞེས་པའི་ཚོགས་པ་དང་ཨི་ཊ་ལཱིར་རྟེན་གཞི་བྱས་པའི་རྒྱལ་སྤྱིའི་ཁྲིམས་ཀྱི་དབང་སྒྱུར་ཚོགས་ཆུང་གཉིས་ཟུང་སྦྲེལ་གྱིས་བཏོན་པའི་ནང་རྒྱ་ནག་དམར་ཤོག་ཚོགས་པའི་ལས་གཞི་སྤེལ་མཁན་གཙོ་བོ་ཁག་གསལ་སྟོན་བྱས་ཡོད་ཅིང་། ཚོགས་སྡེ་དེ་དག་ནི་རྒྱ་ནག་དམར་ཤོག་ཚོགས་པའི་རྒྱལ་སྤྱིའི་འབྲེལ་མཐུད་ལྷན་ཁང་(CCP International Liaison Department) དང་། རྒྱ་ནག་གི་ཕྱི་རྒྱལ་མཛའ་འབྲེལ་ཚོགས་པ་(Chinese Association for Friendship with Foreign Countries) དང་། རྒྱ་ནག་གི་རྒྱལ་སྤྱིའི་ཚོང་འབྲེལ་གོང་སྤེལ་ལྷན་ཁང་(China Council for the Promotion of International Trade) ཡིན་པ་གསལ་ཡོད།
གཞན་ཡང་ཉམས་ཞིབ་ནང་ཨི་ཊ་ལཱི་རྒྱ་ནག་གྲོས་ཚོགས་འཐུས་མི་མཛའ་འབྲེལ་ཚོགས་པའམ་རྒྱ་ནག་གི་གྲོགས་པོ་ཞེས་པའི་ཚོགས་པའི་ཚོགས་མི་རྣམས་ཡང་ཡང་བོད་དུ་སྐོར་བསྐྱོད་དུ་འགྲོ་ཡི་ཡོད་སྐོར་གསལ། བོད་ལྟ་བུར་མཚོན་ན་རྒྱ་ནག་གཞུང་གིས་རྒྱལ་སྤྱིིའི་རང་དབང་ཅན་གྱི་ལྟ་ཞིབ་པ་བསྐྱོད་པར་བཀག་འགོག་བྱེད་ཀྱི་ཡོད། ཕྱོགས་མཚུངས་ཞིབ་འཇུག་ཏུ་ཨི་ཊ་ལཱིའི་སྐུ་ཚབ་ཚོགས་པ་རྣམས་བོད་དུ་ཁྲིད་ནས་དམར་ཤོག་ཚོགས་པས་བོད་ཁྲིམས་ཀྱིས་སྐྱོང་བཞིན་པའི་དྲིལ་བསྒྲགས་བསྐྱར་སྤེལ་བྱེད་དགོས་པར་མངོན་གསལ་དོད་པོས་བཀོད་མངགས་བཏང་བ་མ་ཟད། ཨི་ཊ་ལཱིའི་སྐུ་ཚབ་ཚོགས་པས་ཨི་ཊ་ལཱི་དང་ཡུ་རོབ་ཁུལ་གྱི་སྡེ་ཚན་ཁག་གི་མི་སྣ་རྣམས་ལ་བོད་ཀྱི་དངོས་ཡོད་དང་། དེ་བཞིན་ཡར་རྒྱས་སུ་འགྲོ་བཞིན་པའི་བོད་གསར་པ་ཞེས་པའི་སྐོར་ངོ་སྤྲོད་བྱེད་དགོས་པའི་རེ་བ་བཏོན་འདུག
དེ་བཞིན་ཞིབ་འཇུག་དེའི་ནང་རྒྱ་ནག་གི་གྲོགས་པོ་ཞེས་པའི་ཚོགས་མི་བོད་དུ་ཕྱི་ལོ་༢༠༠༨ཙམ་ནས་འགྲོ་ཡི་ཡོད་པ་གསལ་བ་མ་ཟད། ཆབ་སྲིད་པ་དང་། ཞུ་གཏུགས་པ། སློབ་སྟོན་པ་བེད་སྤྱོད་བྱས་ཏེ་རྒྱ་ནག་དམར་ཤོག་ཚོགས་པས་སྲིད་དབང་སྒེར་སྤྱོད་ཀྱི་དབང་སྒྱུར་དང་རྒྱ་བསྐྱེད་བསམ་ངན་རྣམས་ལུགས་མཐུན་བཟོ་ཐབས་བྱེད་ཀྱི་ཡོད་པ་འགྲེལ་བརྗོད་བྱས་འདུག་པ་བཅས།།
