༄༅། །བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་བུད་མེད་ནུས་སྟོབས་གོང་འཕེལ་ཚན་པས་དྲ་ལམ་བརྒྱུད་ཕྱི་ལོ་ ༢༠༢༡ ཟླ་ ༦ ནས་ཕྱི་ཟླ་ ༡༠ བར་བཙན་བྱོལ་བོད་མིའི་སློབ་གྲྭ་གྲངས་བཅུ་གཉིས་ཀྱི་སློབ་ཕྲུག་རྣམས་ལ་ཟླ་མཚན་དང་ལང་ཚོ་དར་བབས་སྐབས་འཕྲོད་བསྟེན་གཉེར་ཕྱོགས་སྐོར་ཟབ་སྦྱོང་ཐེངས་འགའ་གོ་སྒྲིག་གནང་ཡོད་པ་དང་། ཟབ་སྦྱོང་ནང་འཛིན་རིམ་བདུན་པ་ནས་བཅུ་གཉིས་བར་གྱི་སློབ་ཕྲུག་གྲངས་ ༦༠༠ ཙམ་ཉམས་ཞུགས་གནང་ཡོད།ཟབ་སྦྱོང་སྤྲོད་དགོས་པའི་དམིགས་ཡུལ་གཙོ་བོ་ནི། སློབ་གྲྭ་ཁག་གི་སློབ་ཕྲུག་རྣམས་ལ་ཟླ་མཚན་དང་ལང་ཚོ་དར་བབས་སྐབས་འཕྲོད་བསྟེན་གཉེར་ཕྱོགས་སྐོར་གོ་རྟོགས་སྤེལ་སླད་ཡིན།
བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་བུད་མེད་ནུས་སྟོབས་གོང་འཕེལ་ཚན་པའི་གོ་སྒྲིག་འོག་བཞུགས་སྒར་རྡ་སར་རྟེན་གཞི་བྱས་པའི་གཞུང་ཁོངས་མིན་པའི་གྲོགས་མོ་ཚོགས་པས་འཛིན་རིམ་བདུན་པ་ནས་བཅུ་གཉིས་བར་གྱི་སློབ་ཕྲུག་གྲངས་ ༦༠༠ ཙམ་ལ་ཟླ་མཚན་དང་ལང་ཚོ་དར་བབས་སྐབས་འཕྲོད་བསྟེན་གཉེར་ཕྱོགས་སྐོར་ཟབ་སྦྱོང་ཐེངས་འགའ་གནང་ཡོད་པ་བཅས།།