༄༅། །ཕྱི་ལོ་ ༢༠༢༡ ཟླ་ ༡༠ ཚེས་ ༢༩ རེས་གཟའ་པ་སངས་ཉིན་རྒྱ་གར་གྱི་རྒྱལ་ས་ལྡི་ལིའི་ཨེམ་སི་སྨན་ཁང་དུ་ཧི་མཱ་ཅལ་མངའ་སྡེའི་བློན་ཆེན་ཟུར་པ་སྐུ་ཞབས་ཇི་ཨེ་སི་བྷ་ལི་ (G.S.Bali) མཆོག་འདས་གྲོངས་སུ་གྱུར་བར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ཊུ་ཝི་ཊར་ (Twitter) བརྒྱུད་བོད་མིའི་སྒྲིག་འཛུགས་ཀྱི་ཚབ་ཞུས་ཏེ་ཤུལ་བཞུགས་ནང་མི་ལྟོས་བཅས་རྣམས་ལ་ཐུགས་གསོ་གནང་དོན།

སྐུ་ཞབས་ཇི་ཨེ་སི་བྷ་ལི་མཆོག་འདས་གྲོངས་སུ་གྱུར་བའི་ཡིད་སྐྱོ་བའི་གནས་ཚུལ་གོ་ཐོས་བྱུང་བས་ཧ་ཅང་བློ་ཕམ་བྱུང་། དམ་པ་དེ་ཉིད་ཀྱིས་ཧི་མཱ་ཅལ་མངའ་སྡེའི་བློན་ཆེན་གནང་བའི་རིང་ཧི་མཱ་ཅལ་མངའ་སྡེའི་ནང་གནས་སྡོད་བོད་མི་རྣམས་ཀྱི་བདེ་དོན་ཆེད་རྒྱབ་སྐྱོར་དང་མཐུན་འགྱུར་རྒྱ་ཆེ་གནང་ཡོད། སེམས་སྡུག་གིས་མནར་བའི་སྐབས་འདིར་ང་ཚོས་དམ་པ་ཁོང་གི་ནང་མི་དང་ཧི་མཱ་ཅལ་མི་མང་ལྷན་དུ་མྱ་ངན་གུས་འདུད་ཞུ་བཞིན་ཡོད། ཅེས་འཁོད་ཡོད། །