༄༅། །འདི་གར་ཧོར་སུར་རབ་རྒྱས་གླིང་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། ད་ལྟའི་ཏོག་དབྱིབས་གཉན་རིམས་ཁྱབ་བརྡལ་ཆེ་བའི་དུས་སྐབས་འདིར་བོད་མིའི་སྒྲིག་འཛུགས་ནས་དཀའ་ངལ་འདིར་གདོང་ལེན་བྱ་རྒྱུར་གལ་འགངས་ཆེན་པོ་བརྩིས་ཏེ་ཤུགས་སྣོན་བརྒྱབ་དང་རྒྱག་བཞིན་པར་འདི་ལས་ནས་ཀྱང་དེ་ལྟར་གལ་ཆེན་དོན་ཆེན་བརྩིས་ཏེ་གཞིས་མི་ཡོངས་ལ་སྔོན་འགོག་སྨན་ཁབ་འཐོབ་སླད་དང་། གཞན་ཡང་ནད་ཡམས་དང་འབྲེལ་བའི་ལས་དོན་བྱ་དགོས་ཁག་འཐུས་ཤོར་མེད་པར་སྒྲུབ་བཞིན་ཡོད།ཕྱི་ལོ་ ༢༠༢༡ ཟླ་ ༨ ཚེས་ ༢༦ ཉིན་ཨ་རི་ཧི་མ་ལ་ཡའི་ཐེབས་རྩས་ (American Himalayan Foundation) མཐུན་འགྱུར་རོགས་རམ་གནང་ཐོག་ཧོན་སུར་རབ་རྒྱས་གླིང་ཁྱབ་ཁོངས་གཞིས་མི་གྲངས་ ༦༣༥ ལ་སྔོན་འགོག་སྨན་ཁབ་རིམ་པ་གཉིས་པ་བརྒྱབ་ཟིན་པ་དང་། ད་དུང་ཡང་གཞིས་མི་བརྒྱ་ཕྲག་ཁ་ཤས་ལ་སྔོན་འགོག་སྨན་ཁབ་བརྒྱག་རྒྱུའི་གྲ་སྒྲིག་ཡོད་པ་བཅས། །