ལས་བྱེད་གསར་འདེམས་གསལ་བསྒྲགས།

གསར་ལས་ཁང་གི་གསར་འགོད་པས།

༢༠༢༡-༠༩-༢༣

༄༅། །བཙན་བྱོལ་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་དུ་ལས་བྱེད་ས་མིག་ཁ་སྐོང་ཆེད་གསར་འདེམས་བསྐོ་གཞག་བྱ་རྒྱུ་ཡིན་ན། གཤམ་གསལ་དམིགས་བཀར་ས་མིག་སོ་སོའི་ཆ་རྐྱེན་ཚང་ཞིང་དོན་དམ་སྲི་ཞུའི་ལས་བྱེད་ཞབས་འདེགས་ཞུ་འདོད་ཡོད་རིགས་ནས་འཚང་སྙན་སྦྲགས་བརྒྱུད་གཏོང་གནང་ཡོང་བཞུ།

ཀ༽ ས་གནས་ཁྲིམས་ཞིབ་པ་དྲུང་གཞོན་ལས་རོགས་ས་མིག་ ༣ ཆེད་དགོས་ངེས་ཆ་རྐྱེན་གཤམ་གསལ།

༡༽ ལས་འགན། ས་གནས་ཁྲིམས་ཞིབ་པ།

༢༽ གནས་རིམ། དྲུང་གཞོན་ལས་རོགས།

༣༽ ཤེས་མྱོང། ཚད་ལྡན་མཐོ་སློབ་གང་ཞིག་ནས་ཁྲིམས་ལུགས་རབ་འབྱམས་ (LLM) བསླབ་པ་མཐར་སོན་པ། ཡང་ན་ཉེ་བའི་ཁྲིམས་ལུགས་རབ་འབྱམས་ (LLB) བསླབ་པ་མཐར་སོན་པ་གང་ཞིག་ཁྲིམས་འབྲེལ་ལས་དོན་ཐོག་ལོ་གཉིས་ཧྲིལ་པོ་ལས་ཀའི་ཉམས་མྱོང་ཡོད་པ།

༤༽ ལོ་ཚད། ༢༠༢༡།༡༠།༢༢ ཉིན་རང་ལོ་ ༣༠ ལས་མི་ཉུང་ཞིང་ ༣༥ ལས་མ་བརྒལ་བ་དགོས།

༥༽ རྒྱུགས་གཞི། བོད་ཡིག་ཐོག་བཙན་བྱོལ་བོད་མིའི་བཅའ་ཁྲིམས་དང་། སྤྱི་མང་གཏུག་གཤེར་ཁྲིམས་ཡིག ས་ཁང་སྒྲིག་གཞི་གསུམ་གྱི་ཐོག་འབྲི་རྒྱུགས་དང་ངག་རྒྱུགས་ལེན་རྒྱུ། དེ་བཞིན་ཨིན་ཡིག་ཐོག་རྒྱ་གར་དང་རྒྱལ་སྤྱིའི་ཁྲིམས་ལུགས་སྐོར་འབྲི་རྒྱུགས་དང་ངག་རྒྱུགས་ལེན་རྒྱུ།

ཁ༽ ས་གནས་ཁྲིམས་དྲུང་ལས་ཁུངས་དོ་དམ་པའི་ས་མིག་ ༡ ཆེད་དགོས་ངེས་ཆ་རྐྱེན་གཤམ་གསལ།

༡༽ ལས་འགན། ས་གནས་ཁྲིམས་དྲུང་།

༢༽ གནས་རིམ། ལས་ཁུངས་དོ་དམ་པ།

༣༽ ཤེས་ཚད། ཚད་ལྡན་མཐོ་སློབ་གང་ཞིག་ནས་ཉེ་བའི་ཁྲིམས་ལུགས་རབ་འབྱམས་ (LLB) བསླབ་པ་མཐར་སོན་པའི་ལག་འཁྱེར་ཡོད་པ།

༤༽ ལོ་ཚད། ༢༠༢༡།༡༠།༢༢ ཉིན་རང་ལོ་ ༢༡ ལས་མི་ཉུང་ཞིང་ ༤༠ ལས་མ་བརྒལ་བ་དགོས།

ག༽ ལས་ཁུངས་དོ་དམ་པའི་ས་མིག་ ༢ ཆེད་དགོས་ངེས་ཆ་རྐྱེན་གཤམ་གསལ།

༡༽ ལས་འགན། ཆེས་མཐོའི་ཁྲིམས་ཞིབ་ཁང་གི་ཁྲིམས་དོན་ལས་བྱེད།

༢༽ གནས་རིམ། ལས་ཁུངས་དོ་དམ་པ།

༤༽ ལོ་ཚད། ༢༠༢༡།༡༠།༢༢ ཉིན་རང་ལོ་ ༢༡ ལས་མི་ཉུང་ཞིང་ ༤༠ ལས་མ་བརྒལ་བ་དགོས།

༥༽ རྒྱུགས་གཞི། བོད་ཡིག་ཐོག་བཙན་བྱོལ་བོད་མིའི་བཅའ་ཁྲིམས་དང་། སྤྱི་མང་གཏུག་གཤེར་ཁྲིམས་ཡིག ས་ཁང་སྒྲིག་གཞི་གསུམ་གྱི་འབྲི་རྒྱུགས་དང་ངག་རྒྱུགས་བཞེས་རྒྱུ། དེ་བཞིན་ཨིན་ཡིག་ཐོག་རྒྱ་གར་དང་རྒྱལ་སྤྱིའི་ཁྲིམས་ལུགས་སྐོར་འབྲི་རྒྱུགས་དང་ངག་རྒྱུགས་བཞེས་རྒྱུ།

ང༽ རྒན་དྲུང་གནས་རིམ་ས་མིག་ ༢ ཆེད་དགོས་ངེས་ཆ་རྐྱེན་གཤམ་གསལ།

༡༽ ལས་འགན། ཆེས་མཐོའི་ཁྲིམས་ཞིབ་ཁང་གི་ཁྲིམས་དོན་ལས་བྱེད།

༢༽ གནས་རིམ། རྒན་དྲུང།

༤༽ ལོ་ཚད། ༢༠༢༡།༡༠།༢༢ ཉིན་རང་ལོ་ ༢༡ ལས་མི་ཉུང་ཞིང་ ༤༠ ལས་མ་བརྒལ་བ་དགོས།

ཡིག་རྒྱུགས་བརྒྱ་ཆ། འདེམས་རྒྱུགས་འཕྲོད་པར་བྱེད་པ་ལ་བོད་ཡིག་ལ་བརྒྱ་ཆ་ ༣༣% དང་། ཨིན་ཡིག་ལ་བརྒྱ་ཆ་ ༧༠% ལོན་དགོས།

གོང་གསལ་ས་མིག་སོ་སོའི་ཆེད་ཆ་རྐྱེན་ལྡན་རིགས་ནས་སྡེ་ཚན་བཞི་གང་རུང་གི་གནས་རིམ་གཅིག་ལ་མ་གཏོགས་ཞུ་སྙན་འབུལ་མི་ཆོག་པ་དང་། བོད་ཡིག་ཐོག་གཏན་འབེབས་ཡོད་པའི་འཚང་སྙན་འགེངས་ཤོག་འདི་ག་ལས་ཁུངས་དང། ས་གནས་འགོ་འཛིན་ལས་ཁུངས། གཞུང་འབྲེལ་དྲ་རྒྱ་ (www.tibet.net) ནས་བཏོན་སྟེ་དོན་ཚན་རྣམས་འཚེམས་ལུས་མེད་པ་བཀང་ཟིན་རྗེས།

༡༽ རང་ཉིད་ཀྱི་ད་ལྟའི་ཕྱེད་པར་ཚོན་ལྡན་ ༢ རེ་དང་། (one passport & one stamp size)

༢༽ འཛིན་རིམ་བཅུ་གཉིས་ཡན་གྱི་སློབ་ཐོན་ལག་འཁྱེར་ཆ་ཚང་དང་། གོང་གསལ་དགོས་མཁོའི་བཞིན་ཤེས་ཚད་ཨང་ཤོག་དང་ལག་འཁྱེར་ (Marks Card & Degree Certificate) བཅས་ཀྱི་ངོ་བཤུས།

༣༽ དྭང་བླངས་དཔྱ་དངུལ་ལག་དེབ་ཀྱི་ཤོག་གྲངས་དང་པོ་དང་། གཉིས་པ། འབུལ་འབབ་གཙང་ཕུལ་ཟིན་པའི་མཐའ་མའི་ངོ་བཤུས།

༤༽ ཁྲིམས་མཐུན་སྐྱེས་ཚེས་ལག་འཁྱེར་ (Birth Certificate) གྱི་ངོ་བཤུས།

༥༽ བོད་མིའི་སྒྲིག་གཛུགས་ཀྱི་འཕྲོད་བསྟེན་ལས་ཁུངས་ཁྱབ་ཁོངས་རྒྱ་བོད་སྨན་ཁང་ཡོད་ན་དང་། དེ་མིན་སྨན་ཁང་ཚད་ལྡན་གང་རུང་ནས་ནད་གཅོང་དང་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་ (MC) ཁ་གསར་སྟེང་རང་ཉིད་ཀྱི་འདྲ་པར་མཉམ་སྦྱར་ཐོག་སྨན་པའི་ལས་དམ་དང་། ས་རྟགས་འཁོད་པ་ངོ་མ།

༦༽ འབྲེལ་ཡོད་ས་གནས་འགོ་འཛིན་ནས་བྱ་སྤྱོད་ཐལ་སྐྱོན་མེད་པའི་ངོས་སྦྱོར་ (Character Certificate) ངོ་མ།

༧༽ གལ་སྲིད་ད་ལྟ་སྤྱི་སྒེར་གང་རུང་ནང་ལས་ཀ་བྱེད་མུས་ཡིན་ཚེ་ལས་ཡུལ་སྡེ་ཚན་ནས་དགག་ཆ་མེད་པའི་ངོས་སྦྱོར་ (No Objection Letter) ངོ་མ་བཅས་མཉམ་འབུལ་དགོས། གོང་གསལ་ཡིག་ཆའི་ངོ་བཤུས་ཁག་ལ་འབྲེལ་ཡོད་ས་གནས་འགོ་འཛིན་ནམ། ལས་བྱེད་འདེམས་ལྷན་ནས་བསྐོ་གཞག་བྱས་པའི་ཟུང་དྲུང་གནས་རིམ་ཡན་སུ་རུང་གི་དག་མཆན་ལས་དམ་ (Attestation) ཞུས་ཏེ། ཕྱི་ལོ་ ༢༠༢༡ ཟླ ༡༠ ཚེས་ ༢༢ ཕྱི་དྲོ་ཆུ་ཚོད་ ༥ པ་འགྱངས་མེད་རང་ཉིད་ཀྱི་ཁྱིམ་གཞིས་དང་། ད་ལྟའི་སྡོད་གནས་སུ་འབྲེལ་བ་གནང་བདེའི་ཁ་བྱང་། ཁ་དཔར་ཨང་། གློག་འཕྲིན། (E-Mail) སོགས་ཁ་གསལ་བཀོད་དེ་གཤམ་གསལ་དྲུང་ཆེའི་མཚན་བྱང་ཐོག་ཕུལ་འབྱོར་ཟིན་པ་དགོས་རྒྱུ། གོང་གསལ་དུས་བཀག་རྗེས་འཚང་སྙན་ཕུལ་འབྱོར་རིགས་རྩིས་མེད་ཡིན། དུས་ཐོག་འབྱོར་རིགས་རྣམས་ལ་ཞིབ་འཇུག་ཚོགས་ཆུང་ནས་ཞིབ་འཇུག་དང་འབྲེལ་འོས་ཆོས་ལྡན་པ་ཚོར་དུས་ཐོག་འབོད་བརྡ་བྱ་རྒྱུར་སྐབས་བསྟུན་ལག་འཁྱེར་སོགས་ཡིག་ཆ་ངོ་མ་ཁག་མཉམ་འཁྱེར་གྱིས་འབྱོར་ཐོ་འགོད་བཅར་དགོས་པ་བཅས་ཀྱི་གསལ་བསྒྲགས་སུ། ལས་བྱེད་འདེམས་བསྐོ་ལྷན་ཁང་ནས་ ༢༠༢༡ ཟླ་ ༩ ཚེས་ ༢༣ ལ།།

Secretary

Public Service Commission

Central Tibetan Administration

Gangchen Kyishong, Dharamsala-176215

Distt. Kangra(H.P)Tel: 01892-22624 E-mail:[email protected]

གསར་གནས།