༄༅། །ཕྱི་ལོ་ ༢༠༢༡ ཟླ་ ༨ ཚེས་ ༡༠ རེས་གཟའ་མིག་དམར་ཉིན་ལྡི་ལི་སྐུ་ཚབ་དོན་གཅོད་འབྲོང་ཆུང་དངོས་གྲུབ་ལགས་ཀྱིས་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ཨ་རིའི་གཞུང་ཚབ་ཆེན་མོ་སྐུ་ཞབས་ཨ་ཊུལ་ཀེ་ཤབ་ (Atul Keshap) མཆོག་དང་མཇལ་འཕྲད་གནང་ཡོད།དེ་ཡང་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ཨ་རིའི་གཞུང་ཚབ་ཆེན་མོ་སྐུ་ཞབས་ཨ་ཊུལ་ཀེ་ཤབ་ (Atul Keshap) ལགས་ཀྱིས་ཊུ་ཝི་ཏར་སྟེང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་ལྡི་ལི་སྐུ་ཚབ་དོན་གཅོད་འབྲོང་ཆུང་དངོས་གྲུབ་ལགས་དང་མཇལ་འཕྲད་བྱུང་བར་དགའ་ཚོར་བྱུང་། ཨ་རི་གཞུང་གི་ངོས་ནས་ཆོས་དད་རང་དབང་དང་བོད་ཀྱི་ཐུན་མོང་མ་ཡིན་པའི་རིག་གཞུང་དང་སྐད་ཡིག་གི་ངོ་བོ་བཅས་མི་ཉམས་རྒྱུན་འཛིན་བྱེད་རྒྱུ་དང་། མགོན་པོ་གང་ཉིད་ཀྱི་འགྲོ་བ་མི་ཀུན་ལ་ཐོབ་ཐང་འདྲ་མཉམ་དགོས་པའི་དགོངས་གཞི་ལ་རྒྱབ་སྐྱོར་བྱེད་ཀྱི་ཡིན། ཞེས་བཀོད་འདུག་པ་བཅས། །