༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་ལ་དྭགས་སླེ་བྱང་ཁུལ་གྱི་འཚམས་གཟིགས་ཉིན་མཐའ་མར་ལ་དྭགས་བསོད་ནམས་གླིང་གི་མི་མང་རྣམས་ལ་མཉམ་འབྲེལ་གྱི་ (Cable) བརྒྱུད་གསུང་བཤད་གནང་དོན། ཉིན་གྲངས་བརྒྱད་དང་ཕྱེད་ཀའི་རིང་སྔ་དྲོ་ཆུ་ཚོད་ ༨ ནས་དགོང་མོ་ཆུ་ཚོད་ ༩་་༡༠ བར་ལ་དྭགས་ས་གནས་ཀྱི་གྲོང་སྡེ་རེ་རེ་དང་། འབྲོག་ས་རེ་རེ། མི་མང་གང་མང་དང་མཇལ་འཕྲད་ཞུས་པ་ཡིན། རྣམ་པ་ཚོའི་རེ་འདུན་བཏོན་པ་རྣམས་ཐོ་བཀོད་བྱས་ཡོད། རྣམ་པ་ཚོས་རེ་བ་བཏོན་པའི་ནང་ནས་འགན་འཁུར་སྟངས་དེ་བོད་མིའི་སྒྲིག་འཛུགས་དང་སྲིད་སྐྱོང་། ལས་བྱེད་བཅས་ལ་ཞུས་ཡོད། ཅེས་པ་ཙམ་མིན་པར་ཚང་མས་ནུས་པ་མཉམ་སྤུངས་དགོས། དཔེར་ན། ཅ་ལག་ལྗིད་པོ་ཞིག་ཡོད་ན་མི་གཅིག་གིས་ཡར་འདེགས་དགོས་ན་ཧ་ཅང་ལྗིད་པོ་ཡོད། གལ་ཏེ་ཚང་མ་མཉམ་རུབ་ཐོག་བཏེག་པ་ཡིན་ན་ཡང་དུ་འགྲོ་གི་ཡོད་པ་ཙམ་དུ་མ་ཟད། སྒྲུབ་ཐུབ་པའི་ཁྱད་པར་ཡང་ཡོད། དེར་བརྟེན་རྣམ་པ་ཚོས་བདེ་སྡུག་ཞུས་པ་རྣམས་ང་ཚོ་ཚང་མས་འགན་མཉམ་འཁུར་དང་ནུས་པ་མཉམ་སྤུངས་བྱས་ནས་ཇི་ལྟར་སྒྲུབ་ཐུབ་པ་འདུག་དེ་དག་ཚང་མ་ཆ་ཚང་བ་ཞིག་བང་སྒྲིག་གི་ཡིན།
དཀའ་ངལ་ནང་ནས་དཀའ་ངལ་ཆེ་ཤོས་ནི་ས་ཆར་ཐུག་ཡོང་གི་འདུག གྲོང་སྡེ་སོ་སོའི་ནང་དུ་ཡིན་ནའང་ས་ཆའི་དཀའ་ངལ་སྐོར་གསུང་མཁན་འདུག སླེ་དང་ཅོག་ལམ་སར་ཁུལ་དུ་ཁྱིམ་ཚང་ ༥༥ ཙམ་ལ་ད་དུང་ཡིན་ནའང་སྡོད་ཁང་མེད་པར་ཁང་གླ་སྤྲད་ནས་སྡོད་དགོས་པ་དེ་འདྲ་ཡང་འདུག ཁྱིམ་ཚང་ཁ་ཤས་དངོས་འབྲེལ་ཉམ་ཐག་ཡིན་པ་དེ་འདྲ་ཡང་འདུག བོད་ཁྱིམ་གྱི་རྒས་གསོ་ཁང་དུ་བཅར་རྒྱུའི་གོ་སྐབས་བྱུང་། དེར་མཐུན་རྐྱེན་ཧ་ཅང་བཟང་པོ་སྦྱོར་གནང་གི་འདུག རྒས་རྒོན་ཁག་གཅིག་རྒས་གསོ་ཁང་དུ་འགྲོ་གི་མིན་ཟེར་མཁན་ཡང་ཡོང་གི་ཡོད།
ད་ཆའི་དཀའ་ངལ་ནི་ས་ཐོ་ལག་འཛིན་མེད་པ་ཁག་གཅིག་འདུག དེ་བཞིན་ཞིང་སའི་ནང་སོ་ནམ་འདེབས་ལས་བྱེད་མ་ཐུབ་པའི་དཀའ་ངལ་ཡང་ཡོང་བཞིན་འདུག འབྲོག་ས་དེ་དག་ཡིན་ནའང་ཁག་གཅིག་གིས་སོ་སོའི་ས་གནས་སུ་སྡོད་ཀྱི་ཡིན་གསུང་གི་འདུག ཁག་གཅིག་གིས་འབྲོག་སར་སྤྱི་པའི་ཁང་པ་དེ་འདྲ་ཡོད་ན་ཐུགས་ཕན་གསོ་ས་རེད་ཅེས་གསུང་མཁན་ཡང་འདུག ཁྱོན་ཡོངས་ཀྱི་གནས་སྟངས་ལ་བལྟས་ནས་ཐོ་བཀོད་བྱེད་དགོས་པ་དང་། མཇུག་སྐྱོང་དགོས་རིགས་ཆ་ཚང་བགོ་བཤའ་བརྒྱབ་ཡོད་ནའང་གནས་སྐབས་ཀྱི་དཀའ་ངལ་བསལ་རྒྱུ་ཙམ་མིན་པར་ཕུགས་རྒྱང་རིང་པོར་བསམ་བློ་བཏང་ནས་ལོ་བཅུ་དང་བཅོ་ལྔའི་ནང་གནས་སྟངས་ག་འདྲ་ཆགས་ས་རེད། གནས་སྟངས་དེ་དག་ལ་དཔོག་པའི་གདོང་ལེན་ཇི་ལྟར་བྱེད་དགོས། འཛུགས་སྐྲུན་གྱི་ལས་གཞི་ཇི་ལྟར་སྤེལ་དགོས་ཀྱི་འདུག ལྷག་པར་གཞོན་སྐྱེས་ནང་སློབ་སྦྱོང་ཐོན་པ་དེ་དག་སོ་སོའི་འཚོ་བ་ཡག་ཐག་གཅོད་སྐྱེལ་བཞིན་ཡོད། འོན་ཀྱང་སློབ་སྦྱོང་མཐར་མ་ཕྱིན་པ་དང་ལག་ཤེས་མ་ཤེས་མཁན་ཡིན་ན། སྤྱི་ཚོགས་ལ་དགོས་མཁོ་ཡོད་པའི་ལག་ཤེས་རིགས་སྦྱོང་བརྡར་སྤྲད་རྒྱུ་དང་། སྦྱོང་བརྡར་སྤྲད་པ་ཙམ་དུ་མ་ཟད་ཚོང་ཆུང་ཙག་སླད་སྐྱེད་མེད་དམ་སྐྱེད་ཆུང་གི་བུན་གཡར་བྱེད་དགོས་པའི་གནས་སྟངས་མང་པོ་ཞིག་འདུག ཅེས་སོགས་ཀྱི་གསུང་བཤད་གནང་།
ཉིན་དེའི་སྔ་དྲོར་དཔལ་ལྡན་སྲིད་སྐྱོང་མཆོག་གིས་སླེ་ས་གནས་སུ་དཔའ་བོ་དམ་པ་ཉི་མ་བསྟན་འཛིན་ལགས་ཀྱི་དྲན་རྟེན་འདྲ་སྐུ་དབུ་འབྱེད་གནང་ཡོད་པ་མ་ཟད། ཚོང་པའི་ཚོགས་པ་དང་། རྟ་པ་ཚོགས་པ། གླ་འཁོར་ཚོགས་པ་བཅས་ཀྱི་སྐུ་ཚབ་དང་ལྷན་ཚོགས་འདུ་གྲུབ་མཚམས་ཧི་མ་ལ་ཡ་བོད་དོན་རྒྱབ་སྐྱོར་ཚོགས་པའི་ཚོགས་མི་ལྷན་དུ་མཇལ་མོལ་དང་། གཞན་ཡང་སླེ་ས་གནས་ཀྱི་གཞོན་སྐྱེས་ཁག་གཅིག་ནས་རྐང་རྩེད་པོ་ལོ་རྩེད་འགྲན་གོ་སྒྲིག་གནང་བ་དེ་ཉིད་དབུ་འབྱེད་གནང་ཡོད།
དགོང་དྲོར་ལ་སྤྱི་ལས་ཁུངས་ཀྱིས་གཙོས་ས་གནས་འཐུས་ཚོགས་དང་། མཉམ་འབྲེལ་དང་། ལ་དྭགས་བོད་ཁྱིམ། ཡན་ལག་སྨན་རྩིས་ཁང་བཅས་ཐུན་མོང་ནས་དཔལ་ལྡན་སྲིད་སྐྱོང་མཆོག་ལ་དགོང་མོའི་གསོལ་ཚིགས་འདེགས་འབུལ་ཞུས་ཡོད། གསོལ་སྟོན་སྐབས་ལ་དྭགས་ནང་པ་ཚོགས་པའི་ཚོགས་གཙོ་དང་། ལ་དྭགས་དགོན་པ་ཚོགས་པའི་ཚོགས་