༄༅། །ཀརནཱ་ཊཀ་མངའ་སྡེའི་ངལ་རྩོལ་བློན་ཆེན་སྐུ་ཞབས་ཨར་བྷེལ་ཧེ་འབར་ཤི་བ་རམ་ (Arbail Hebbar Shivram) མཆོག་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་ཕེབས་འབྱོར་སྐབས་ས་གནས་འགོ་འཛིན་ལྷག་པ་ཚེ་རིང་ལགས་ཀྱིས་འཚམས་འདྲིའི་མགུལ་དར་དང་སྲོལ་རྒྱུན་གྱི་གོས་གཟན་ (Shawl) བཅས་ཕུལ་ཏེ་ཕེབས་བསུའི་སྣེ་ལེན་གཟབ་རྒྱས་ཞུས་ཡོད་། སྐབས་དེར་ས་གནས་འཁོར་ལམ་ཚོགས་ཆུང་གི་འཐུས་མི་དང་ལྷན་མོན་གྷོ་འདོད་རྒུ་གླིང་བོད་མིའི་གཞིས་ཆགས་ཀྱི་འཁོར་ལམ་སྐོར་བདེ་སྡུག་སྙན་གསེང་ཞུས་པར་བློན་ཆེན་མཆོག་གིས་ཧིན་སྒོར་འབུམ་ ༣༠༠ བཀའ་འཁྲོལ་གནང་བར་ས་གནས་འགོ་འཛིན་གྱིས་བོད་མིའི་སྒྲིག་འཛུགས་དང་བོད་མི་ཡོངས་ཀྱི་ཚབ་ཞུས་ཏེ་ཐུགས་རྗེ་ཆེ་ཞུས་ཡོད་པ་བཅས། །