༄༅། །བཀའ་དྲུང་ཡིག་ཚང་ནས་དཔལ་འབྱོར་དྲུང་ཆེ་ཡེ་ཤེས་དབང་མོ་ལགས་ཕྱི་ལོ་ ༢༠༢༡ ཟླ་ ༠༧ ཚེས་ ༡ ནས་ཆེས་མཐོའི་ཁྲིམས་ཞིབ་ཁང་གི་སྤྱི་ཁྱབ་ཁྲིམས་དྲུང་དུ་བསྐོ་གཞག་བགྱིས་པའི་གནས་སྤོས་བཀོད་སྒྲིག་གསལ་བསྒྲགས་གནང་བ་ལྟར། དེ་རིང་ཕྱེད་ཡོལ་ཆུ་ཚོད་ ༡༢ ཐོག་ཆེས་མཐོའི་ཁྲིམས་ཞིབ་ཁང་གི་སྲོང་བཙན་ཚོམས་ཆེན་དུ་དཔལ་ལྡན་ཁྲིམས་ཞིབ་པ་ཆེ་བ་དྭགས་པོ་བསོད་ནམས་ནོར་བུ་མཆོག་གི་མདུན་སར་དྲུང་ཆེ་ཡེ་ཤེས་དབང་མོ་ལགས་ཀྱིས་སྤྱི་ཁྱབ་ཁྲིམས་དྲུང་ཀྱི་ལས་འཁུར་དམ་བཅའ་འབུལ་བཞེས་གྲུབ་པ་དང་། དེའི་རྗེས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གཞན་གཉིས་དང་ལས་བྱེད་ཡོངས་ནས་འཚམས་འདྲིའི་རྟེན་འབྱུང་མཇལ་དར་འབུལ་བཞེས་གནང་ཡོད། ཉིན་རྒྱབ་སྤྲོད་དཔང་དུ་ཁྲིམས་ཞིབ་པ་བསྟན་འཛིན་ལུང་རྟོགས་མཆོག་དབུ་བཞུགས་ཐོག སྤྱི་ཁྱབ་ཁྲིམས་དྲུང་གསར་རྙིང་དབར་རྩིས་སྤྲོད་ལེན་གྱི་ཞུ་སྒོ་ཁག་ལེགས་གྲུབ་བྱུང་ཡོད།
དེ་ཡང་དྲུང་ཆེ་ཡེ་ཤེས་དབང་མོ་ལགས་ནི། ཕྱི་ལོ་ ༡༩༧༠ ཟླ་ ༡ ཚེས་ ༡༥ ཉིན་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་ཅོན་ཏ་རར་སྐྱེས། ཌལ་ཧོར་གཏན་སློབ་ནས་སློབ་ཐོན་རྗེས་ (B.Sc GCG College Chandigarh) ནས་མཐོ་སློབ་ཐོན། ཕྱི་ལོ་ ༡༩༩༥ ཟླ་ ༩ ཚེས་ ༡༥ ཉིན་ཐོག་མར་ལས་བྱེད་དུ་བསྐོ་གཞག་གནང་། ཕྱི་ལོ་ ༡༩༩༥ ཟླ་ ༩ ཚེས་ ༡༨ ཉིན་བདེ་སྲུང་ཉམས་ཞིབ་ཁང་གི་དྲུང་ལས་སུ་ཕྱི་ལོ་ ༡༩༩༩ ཟླ་ ༢ ཚེས་ ༢༤ ཉིན་དྲུང་གཞོན་གནས་རིམ་དུ་གནས་སྤར། ཕྱི་ལོ་ ༢༠༠༢ ཟླ་ ༢ ཚེས་ ༨ ཉིན་འཕྲོད་བསྟེན་ལས་ཁུངས་སུ་གནས་སྤོ
ཕྱི་ལོ་ ༢༠༠༩ ཟླ་ ༡༢ ཚེས་ ༧ ཉིན་ཕྱི་དྲིལ་ལས་ཁུངས་སུ་གནས་སྤོས། ཕྱི་ལོ་ ༢༠༡༣ ཟླ་ ༩ ཚེས་ ༦ ཉིན་དྲུང་འཕར་དུ་གནས་སྤར། ཕྱི་ལོ་ ༢༠༡༦ ཟླ་ ༧ ཚེས་ ༢༧ ཉིན་འཕྲོད་བསྟེན་ལས་ཁུངས་སུ་གནས་སྤོས། ཕྱི་ལོ་ ༢༠༡༨ ཟླ་ ༡༠ ཚེས་ ༠༨ ཉིན་ནས་དྲུང་ཆེ་གནས་རིམ་དུ་གནས་སྤར་གྱིས་དཔལ་འབྱོར་ལས་ཁུངས་ཀྱི་