༄༅། །འདི་གར་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ནས་བཏང་གནས་ནང་འཁོད་དོན།  ཤེས་རིག་ལས་ཁུངས་ཀྱི་དེ་སྔའི་ཨིན་ཡིག་དང་བོད་ཡིག་གི་དྲྭ་ཚིགས་གཉིས་ཀྱི་སྒྲོམ་གཞི་དུས་ཚོད་རིམ་སོང་གིས་ཉམས་ཞན་དུ་གྱུར་ཏེ་གཟིགས་བདེར་མ་གྱུར་པ་དང་། དགོས་ངེས་ཁ་སྐོང་རིགས་ཀྱང་དུས་ཐོག་གནང་མ་ཐུབ་པ་སོགས་བྱུང་སྟབས་བསྐྱར་དུ་དྲྭ་ཚིགས་འདི་ཉིད་ལེགས་བཅོས་ཀྱིས་ནང་དོན་འགོད་སྟངས་དང་། ཚོན་མདོག དྲྭ་ཚིགས་ཀྱི་སྒྲོམ་གཞི་བཅས་ལ་དུས་བསྟུན་བསྐྱར་གསོ་གང་ལེགས་བྱས་ཏེ། ༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་ཉིན་མོ་དང་སྟབས་བསྟུན་དྲྭ་ལམ་དུ་ཤར་གཏོང་བྱ་རྒྱུ་ཡིན་ན་རྒྱ་ཆེའི་མང་ཚོགས་ནས་གང་ཐུབ་བཀོལ་སྤྱོད་ཡོང་བ་ཞུ། དབྱིན་ཡིག་དྲྭ་ཚིགས་ཀྱི་ཁ་བྱང་ནི་    ( www.sherig.org/en )  དང་བོད་ཡིག་གི་དྲྭ་བྱང་ནི་  ( https://sherig.org ) ཡིན་པས་དགོངས་འཇགས་མཛོད། ཤེས་རིག་ལས་ཁུངས་ནས། ཕྱི་ལོ་ ༢༠༢༡ ཟླ་ ༠༧ ཚེས་ ༠༥ ཉིན།