༄༅། །རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་ནང་རྟེན་གཞི་བྱས་པའི་ཀུ་ལུ་མ་ན་ལི་ཁུལ་གྱི་བོད་མི་རང་ལོ་ ༡༨ ནས་ ༤༤ བར་གྱི་མི་གྲངས་ ༢༢༦ ལྷག་ལ་ཏོག་དབྱིབས་གཉན་རིམས་ཀྱི་སྔོན་འགོག་སྨན་ཁབ་རིམ་པ་དང་པོ་དེ་བརྒྱབ་ཐུབ་པ་བྱུང་ཡོད།

དེ་ཡང་ཀུ་ལུ་མ་ན་ལི་ས་གནས་འགོ་འཛིན་ལས་ཁུངས་དང་། སྦིར་ས་གནས་འཕྲོད་བསྟེན་སྨན་ཁང་། དཔལ་རབ་གླིང་ས་གནས་ཏོག་དབྱིབས་གཉན་རིམས་ལས་དོན་ཚོགས་ཆུང་གི་ཚོགས་མི་དང་སྨན་ཞབས་པ་བཅས་ཀྱིས་འབད་བརྩོན་དང་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་རྒྱབ་སྐྱོར་དང་།  ཨ་རི་ཧི་མ་ལ་ཡའི་ཐེབས་རྩས་མཐུན་འགྱུར་ལ་བརྟེན་ནས་ཏོག་དབྱིབས་གཉན་རིམས་ཀྱི་སྔོན་འགོག་སྨན་ཁབ་རིམ་པ་དང་པོ་དེ་བརྒྱབ་ཐུབ་པ་བྱུང་ཡོད་པ་བཅས། །