༄༅། །ཕྱི་ལོ་ ༢༠༢༡ ཟླ་ ༥ ཚེས་ ༣༡ ནས་ཟླ་ ༦ ཚེས་ ༡༥ བར་ཨིན་ཡུལ་གྱི་རྒྱལ་ས་ལོན་ཌོན་དུ་རྟེན་གཞི་བྱས་པའི་བོད་ཀྱི་ཐེབས་རྩ་ (Tibet House Trust ) ཁང་གིས་མཐུན་འགྱུར་དང་ཨིན་ཡུལ་སྐུ་ཚབ་དོན་གཅོད་ཁང་གི་གོ་སྒྲིག་འོག་དྲ་ལམ་བརྒྱུད་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་འགྲོ་བ་མིའི་ཐོབ་ཐང་ཚན་པ་དང་ལས་འཆར་ཚན་པའི་ལས་བྱེད་དང་ལས་རོགས། དེ་བཞིན་ཨིན་ཡུལ་སྐུ་ཚབ་དོན་གཅོད་ཁང་དང་། སྦེལ་ཇམ་སྐུ་ཚབ་དོན་གཅོད་ཁང་། སུད་སིའི་སྐུ་ཚབ་དོན་གཅོད་ཁང་བཅས་ཀྱི་ལས་བྱེད་རྣམས་ལ་བོད་དོན་ཞུ་གཏུག་དང་བོད་དོན་ལས་འགུལ་སྤེལ་ཕྱོགས་སྐོར་སྦྱོང་བརྡར་གནང་ཡོད།

བོད་དོན་ཞུ་གཏུག་དང་བོད་དོན་ལས་འགུལ་སྤེལ་ཕྱོགས་འཐུས་སྒོ་ཇེ་ཚང་དུ་གཏོང་སླད་ཆེད་ལས་པ་དང་། གསར་འགོད་པ། རྩོམ་པ་པོ། གསར་འགྱུར་སྙན་སྒྲོན་པ། སྤྱི་ཚོགས་དྲ་རྒྱའི་ཐོག་ཁྱད་མཁས་པ་སོགས་ནས་བོད་དོན་ཞུ་གཏུག་པ་རྣམས་ལ་གནད་ཡོད་མི་སྣ་ཚོར་འབྲེལ་བ་ཞུ་སྟངས་དང་། གསར་འགོད་པའི་བཅར་འདྲི་ལ་ལན་འདེབས་གནང་ཕྱོགས། གསར་འགྱུར་བརྒྱུད་ལམ་གྱི་སྡིངས་ཆ་བརྒྱུད་བོད་དོན་ཞུ་གཏུག་ལས་འགུལ་སྤེལ་ཕྱོགས་སྐོར་སྦྱོང་བརྡར་གནང་ཡོད་པ་བཅས།།