༄༅། །ཕྱི་ལོ་ ༢༠༢༡ ཟླ་ ༦ ཚེས་ ༡༠ ནས་ ༡༧ བར་བོད་མིའི་སྒྲིག་འཛུགས་ཤེས་ལས་ཁུངས་ནས་ཐོན་ལ་ཉེ་བའི་འཛིན་རིམ་བཅུ་གཉིས་ཀྱི་བོད་པའི་སློབ་ཕྲུག་རྣམས་ལ་ཤེས་རིག་སློབ་ཡོན་སྐོར་ངོ་སྤྲོད་གནང་བ་དང་འབྲེལ། སློབ་ཕྲུག་རྣམས་ཀྱི་དྲི་བར་ལན་འདེབས་ཀྱང་གནང་ཡོད།

དེ་ཡང་གོ་རྟོགས་ཀྱི་ལས་རིམ་དེ་བརྒྱུད་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ཤེས་རིག་སློབ་ཡོན་ཚན་པས་འཛིན་སྐྱོང་གནང་བཞིན་པའི་རྒྱ་གར་དང་། ཕྱི་རྒྱལ་ནང་གི་སློབ་ཡོན་ཐད་དགོས་ངེས་ཀྱི་གནས་ཚུལ་ཆ་ཚང་ཞིག་གོ་རྟོགས་སྤེལ་ཐབས་ལ་འབད་བརྩོན་གནང་ཡོད།དེ་བཞིན་སློབ་ཕྲུག་རྣམས་ལ་དྲ་ཐོག་ནས་ཕྱི་ལོ་ ༢༠༢༡ ལོའི་ཤེས་རིག་ལས་ཁུངས་ཀྱི་སློབ་ཡོན་འགེངས་ཤོག་བཀང་ཕྱོགས་ཀྱི་བརྒྱུད་རིམ་ཐད་ཞིབ་ཕྲའི་ཟུར་ཁྲིད་གནང་ཡོད་པ་དང་། ན་ནིང་ཤེས་རིག་ལས་ཁུངས་ཀྱིས་འགོ་འཛུགས་གནང་བའི་ན་མཉམ་རྒྱུས་སྟོན་ལས་གཞི་ (Peer Mentoring Program) ཡང་ངོ་སྤྲོད་གནང་ཡོད།

ཐེངས་འདིའི་ལས་རིམ་ཐོག་འཛིན་རིམ་བཅུ་གཉིས་ཀྱི་སློབ་ཕྲུག་ ༧༠༠ ལྷག་ཙམ་དང་མདུན་ལམ་སློབ་སྟོན་པ་བཅས་གདན་ཞུ་གནང་ཡོད་པ་དང་། དྲ་ཐོག་གི་ལས་རིམ་དེའི་ཐོག་རྡོར་གླིང་གཏན་སློབ་དང་། ཀ་སྦུག་གཏན་སློབ། མ་སུ་རི་གཏན་སློབ། སིམ་ལ་གཏན་སློབ། ཧར་པ་སྤུར་གཏན་སློབ། སྦེལ་ཀོབ་སཾ་བྷོ་ཌ་གཏན་སློབ། ཌོ་ལན་ཇི་སཾ་བྷོ་ཌ་ཉིན་སློབ།   མོན་གྷོ་སཾ་བྷོ་ཌ་གཏན་སློབ། སྤོན་ཌ་སཾ་བྷོ་ཌ་གཏན་སློབ། དེ་བཞིན་སྦེལ་ཀོབ་བོདཕྲུག་ཁྱིམ་སྡེ་དང་། རྡ་སྟེང་བོད་ཕྲུག་ཁྱིམ་སྡེ། གོ་པལ་པུར་བོད་ཕྲུག་ཁྱིམ་སྡེ། སུ་ཇ་བོད་ཕྲུག་ཁྱིམ་སྡེ། སེ་ལ་ཀུའི་བོད་ཕྲུག་ཁྱིམ་སྡེ་བཅས་ཁྱོན་བཙན་བྱོལ་བོད་མིའི་སློབ་གྲྭ་ ༡༤ མཉམ་ཞུགས་གནང་ཡོད་པ་བཅས། །