༄༅། །འདི་གར་བྱང་ཨ་རི་བོད་ཀྱི་སྐུ་ཚབ་དོན་ཁང་ནས་བཏང་གནས་ནང་འཁོད་དོན། ཚེ་འདས་སྐུ་ཞབས་ཚེ་དབང་སྟོབས་རྒྱལ་ལགས་ཀྱིས་འདི་ག་སྐུ་ཚབ་དོན་ཁང་གི་མཁེ་མེད་སྤྱི་ཚོགས་ཞབས་ཞུ་ཐེབས་རྩ་ TCDF མིང་ཐོག་ཨ་སྒོར་ ༨༨༧,༩༦༩ ་༥༤ ཞལ་འདེབས་གནང་འབྱོར་བྱུང་བར་དོན་ཁང་ངོ་ལས་དང་དེབ་བསྐྱེལ་ཚོགས་པའི་འགན་ལྷན་ཐོུང་ནས་ཐུགས་རྗེ་ཆེ་གྲངས་མེད་ཞུ་གི་ཡོད།
ཚེ་འདས་དེ་ཉིད་ ༢༠༡༩ ལོར་ཨ་རིའི་ལྷོ་ཀེ་ལི་ཕོར་ནི་ཡར་རང་ཁྱིམ་དུ་སྤུན་ཉེ་རྣམས་ཡོད་སར་ཞི་ལྷོད་ངང་འདས་གྲོངས་སུ་གྱུར་འདུག སྐུ་ཚེ་འཕེན་པ་མ་རྫོགས་སྔོན་དུ་འདི་ག་སྐུ་ཚབ་་གཅོད་ལ་ཞལ་པར་ཐོག་ཇི་དགེའི་བརྩད་གཅོད་གནང་ཞིང་། ཁྲིམས་རྩོད་ལས་ཁང་བརྒྱུད་ཁྲིམས་མཐུན་ཞལ་འཆེམས་གན་ཡིག་འཇོག་གནང་མཛད་པའི་ནང་ཁོང་གི་སྡོད་ཁང་དང་དངུལ་ཁང་ནང་དངུལ་འབབ་ཡོད་པ་རྣམས་འདི་གའི་ཐེབས་རྩར་ཞལ་འདེབས་འབུལ་ཕྱོགས་འཐུས་གཙང་ཡོང་ཐབས་སྤོར་དྲ་ལེན་དྲ་བཞུགས་པའི་ཁོང་གི་ཚ་མོ་བསྟན་འཛིན་སྒྲོལ་དཀར་སྒོ་རབ་ལགས་སུ་འགན་ཁུར་དགོས་པའི་མངགས་ཆ་བྱས་ཡོད།
དངུལ་འབབ་རྣམས་འདས་པོའི་དྲིན་ཆེན་ཕ་མ་གཉིས་ཀྱི་མིང་ཐོག་ནས་བོད་མི་ཉམས་ཐག་རྒན་གཅོང་རིགས་ཀྱི་ངལ་སེལ་སླད་དང་ཕྱོགས་མཚུངས་བོད་མིའི་སྐད་ཡིག་གཙོ་གྱུར་ཆོས་དང་། རིག་གཞུང་བཅས་སྲུང་སྐྱོབ་བཅས་སླད་སྨིན་གཏོང་ཡོང་ཐབས་གྲོན་གཏོང་དགོས་པ་ལྟར་དོན་འཁྱོལ་ཞུ་རྒྱུ།
ཚེ་འདས་ཁོང་ནི་ ༡༩༤༣ ལོར་བོད་དུ་ཡབ་བཀྲིས་ལགས་དང་ཡུམ་ཉི་མ་ཧྲི་ཐར་ལགས་ཀྱི་རིགས་མྱུག་ཏུ་འཁྲུངས་ཤིང་། རྒྱ་གར་དུ་བྲོས་བྱོལ་ཕེབས་རྗེས་མ་སུ་རིར་ཨིན་ཇིའི་སྒེར་སློབ་ཞིག་ནང་སློབ་གྲ་འགྲིམས། ༡༩༦༦ ལོར་ཤེས་རིག་བཀྲ་བའི་སློབ་མ་ཁག་ཅིག་མཉམ་ཨ་རི་ལྷོ་ཀེ་ལི་ཕོར་ཎི་ཡའི་རེདྲ་ལེནདྲ་མཐོ་རིམ་སློབ་གྲའི་( UNIVERSITY OF Redland) ནང་འདེམས་འཇུག་གོ་སྐབས་ཐོབ།
ཕྱི་ལོ་ ༡༩༩༡ ལོར་ཀོ་ལོ་རེ་ཌོ་མངའ་སྡེའི་ས་གནས་ཌན་ཝར་ཕེབས་ཏེ་ EVEREST IMPORT ཞེས་པའི་ཚོང་འཁོས་སྡེ་ཚན་ཞིག་གསར་འཛུགས་མཛད་དེ་རྒྱ་གར་དུ་སོ་སོའི་ཕ་མ་སྤུན་མཆེད་ལ་རོགས་ཕན་གཟིགས་རྟོགས་གནང་། ༢༠༡༣ ལོ་ནས་རྒས་ཡོལ་གནང་སྟེ་ལྷོ་ཀེ་ལི་ཕོར་ཎི་ཡར་གནས་སྤོས་གནང་། ༢༠༡༩ ལོར་རང་ཁྱིམ་དུ་སྤུན་ཉེ་ལྷན་འཛོམས་དང་བཅས་ཞི་ལྷོད་ནང་འདས་གྲོངས་སུ་གྱུར་འདུག
ཚ་མོ་བསྟན་འཛིན་ས་སྒོ་རབ་ལགས་ནས་ཞང་པོའི་བཀའ་མངགས་ལྟར་ཁྲིམས་ལས་ཁང་དང་ལྷན་དུ་སྡོད་ཁང་ཚོང་བསྒྱུར་དང་དངུལ་འབབ་ལྷག་འཕྲོས་ཇི་ཡོད་འདི་གར་རྩིས་འབུལ་བྱུང་སོང་བར་ཐུགས་རྗེ་ཆེ་ཞུ། འདི་སྐོར་ལུགས་མཐུན་གོང་རིམ་ལ་སྙན་སེང་ཞུས་ཡོད།
མདོ་དོན་ད་རེས་ཚེ་འདས་སྐུ་ཞབས་ཚེ་དབང་ལགས་ནས་གནང་ཕྱོགས་འདི་ནི་རང་མི་རིགས་ཀྱི་ལར་ཞེན་ཆེ་ཞིང་། བོད་མིའི་ཐོུང་མ་ཡིན་པའི་ཆོས་དང་རིག་གཞུང་སྐད་ཡིག་བཅས་པ་སྲུང་སྐྱོབ་གལ་ཆེ་ངོས་འཛིན་གནང་མཁན་རྒྱལ་གཅེས་པ་ཞིག་ལ་ངོས་འཛིན་དང་སྦྲགས་དམ་པ་ཁོང་དལ་འབྱོར་རྟེན་བཟང་ཐོབ་པའི་སྨོན་འདུན་ཞུ་རྒྱུ་བཅས། །
