༄༅། །ཕྱི་ལོ་ ༢༠༢༡ ཟླ་ ༤ ཚེས་ ༢༧ རེས་གཟའ་མིག་དམར་ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་གར་གྱི་སྲིད་བློན་ན་རེནྡྲ་མོ་དི་ (Narendra Modi) མཆོག་ལ་གདུང་སེམས་མཉམ་སྐྱེའི་གསུང་འཕྲིན་སྩལ་བའི་ནང་འཁོད་དོན།

ཏོག་དབྱིབས་གཉན་རིམས་ཀྱི་རྐྱེན་པས་རྒྱ་གར་ཚུད་པའི་འཛམ་གླིང་གི་རྒྱལ་ཁབ་ཚང་མར་ཉེན་ཁ་ཇེ་ཆེར་འགྲོ་བཞིན་ཡོད་སྟབས། ངོས་ཀྱིས་སེམས་འཚབ་བྱེད་ཀྱི་ཡོད། ཏོག་དབྱིབས་གཉན་རིམས་ཁྱབ་བརྡལ་ཤུགས་ཆེ་འགྲོ་བཞིན་པའི་དུས་ཚོད་གཉན་འཕྲང་ཅན་གྱི་སྐབས་འདིར། རྒྱ་གར་གྱི་མཆེད་གྲོགས་ཕོ་མོ་ཡོངས་ལ་གདུང་སེམས་མཉམ་སྐྱེའི་སླད་ངོས་ཀྱིས་ཏཱ་ལའི་བླ་མ་དགེ་རྩར་སྲིད་བློན་མཆོག་གི་མི་སེར་ཛ་དྲག་ངལ་སེལ་རོགས་སྐྱོར་ཐེབས་རྩ་ (PM-CARES Fund) ལ་ཞལ་འདེབས་འབུལ་དགོས་ཞེས་བཤད་པ་ཡིན། གོ་སྐབས་འདི་བརྒྱུད་ངོས་ཀྱིས་ཏོག་དབྱིབས་གཉན་རིམས་སྔོན་འགོག་ཆེད་དུ་འབད་འབུངས་དང་། ལྷག་པར་སྙིང་སྟོབས་ཆེ་བསྐྱེད་ཀྱིས་མདུན་དུ་ཐོན་ནས་ཕྱག་ལས་གནང་བཞིན་པ་བཅས་ལ་ཧ་ཅང་རྗེས་སུ་ཡི་རང་ཞུ་རྒྱུ་ཡིན། ངོས་ཀྱིས་ཏོག་དབྱིབས་གཉན་རིམས་ཀྱི་ཉེན་ཁ་གང་མགྱོགས་ཞི་བའི་སྨོན་ལམ་འདེབས་ཀྱི་ཡོད། ཅེས་འཁོད། ། 

 གསུང་འཕྲིན་ངོ་མ་ཨིན་ཡིག་ཐོག་སྩལ་ཡོད་པས་ཚིག་དོན་ལ་ཧེ་བག་ཡོད་ཚེ་ཨིན་ཡིག་ལ་རྩ་འཛིན་ཡོང་བ་ཞུ།།