ཕྱི་ལོ་ ༢༠༢༡ ཟླ་ ༤ ཚེས་ ༢ རེས་གཟའ་པ་སངས། ༄༅། །རྒྱ་ནག་གི་བདེ་སྲུང་བློན་ཆེན་ཝེ་ཧྥིན་ཧེ་ (Wei Fenghe) ཧང་གྷ་རི་ནང་འབྱོར་སྐབས་ཕྱི་ལོ་ ༢༠༢༡ ཟླ་ ༣ ཚེས་ ༢༤ ཉིན་ཧང་གྷ་རིའི་རྒྱལ་ས་བྷུ་ཌ་པེ་སིའི་ (Budapest) རྫོང་དང་པོའི་སྤྱི་ཁྱབ་པ་གཞོན་པ་སྐུ་ཞབས་ཧྥེ་རན་སི་ (Ference Garencsér) ལགས་ཀྱིས་རྫོང་དང་པོའི་གྲོང་སྡེའི་ཚོགས་ཁང་གི་མདུན་ངོས་སུ་བོད་ཀྱི་རྒྱལ་དར་བཤམས་ནས་ངོ་རྒོལ་གནང་ཡོད།

དེ་ཡང་རྒྱ་ནག་གི་བདེ་སྲུང་བློན་ཆེན་ཝེ་ཧྥིན་ཧེ་ཧང་གྷ་རི་ནང་སླེབ་སྐབས་བྷུ་ཌ་པེ་སིའི་རྫོང་དང་པོའི་གྲོང་སྡེའི་སྤྱི་ཁྱབ་གཞོན་པ་སྐུ་ཞབས་ཧྥེ་རན་སི་ལགས་ཀྱིས་རྒྱ་ནག་དམར་ཤོག་གཞུང་གི་འོག་དཀའ་སྡུག་མྱོང་བཞིན་པའི་མི་མང་དང་ཡུ་གུར་བ་སོགས་ལ་དྲང་བདེན་ཐོབ་ཆེད་བྷུ་ཌ་པེ་སིའི་རྫོང་དང་པོའི་གྲོང་སྡེའི་ཚོགས་ཁང་གི་མདུན་ངོས་སུ་བོད་ཀྱི་རྒྱལ་དར་དང་འཕྲེད་དར་བཤམས་ནས་ངོ་རྒོལ་གནང་ཡོད། 

བྷུ་ཌ་པེ་སིའི་རྫོང་དང་པོའི་གྲོང་སྡེའི་སྤྱི་ཁྱབ་གཞོན་པ་སྐུ་ཞབས་ཧྥེ་རན་སི་ལགས་ཀྱིས། རྒྱ་ནག་གིས་དུས་རྟག་ཏུ་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གཏོང་བཞིན་དུ་ཧང་གྷ་རི་གཞུང་གིས་རྒྱ་ནག་དང་ལྷན་མཐུན་གྲོགས་བཟོས་པར་བྷུ་ཌ་པེ་སིའི་རྫོང་དང་པོའི་གྲོང་སྡེའི་ཚོགས་ཁང་གི་མདུན་ངོས་སུ་བོད་ཀྱི་རྒྱལ་དར་བཤམས་ནས་ངོ་རྒོལ་གནང་ཡོད། ཅེས་གསུངས།

སྐུ་ཞབས་ཧྥེ་རན་སི་ལགས་ཀྱིས་རང་ཉིད་ཕྱི་ལོ་ ༢༠༡༣ ལོར་བཞུགས་སྒར་རྡ་སར་ཕེབས་པའི་སྐབས་བོད་ཀྱི་ཆོས་དང་རིག་གཞུང་། ལོ་རྒྱུས་སོགས་ཀྱི་སྐོར་ཤེས་རྟོགས་བྱུང་རྗེས་བོད་མིར་གདུང་སེམས་མཉམ་སྐྱེ་དང་རྒྱབ་སྐྱོར་གྱི་སེམས་ཤུགས་ཆེ་རུ་ཕྱིན་ཡོད་པའི་སྐོར་གསུངས། །