ནུབ་ཡུ་རོབ་ཁུལ་གྱི་བོད་མི་ཚོས་རང་དབང་སྒོ་ནས་སྲིད་སྤྱི་གཉིས་ཀྱི་འོས་ཤོག་འཕངས་པ།

གསར་ལས་ཁང་གི་གསར་འགོད་པས།

༢༠༢༡-༠༤-༡༢

༄༅། །ཕ་རན་སི་འབྲེལ་མཐུད་པ་རྣམ་རྒྱལ་བསམ་གྲུབ་ལགས་དང་། ས་གནས་འོས་བསྡུ་ཚོགས་ཆུང་གི་ལས་བྱེད་རིག་འཛིན་ཆོས་སྒྲོན་ལགས་དང་ཕུར་བུ་དོན་གྲུབ་ལགས་ཀྱིས་གྲོང་སྡེ་ལས་ཁུངས་ཁག་ལ་དམིགས་བསལ་བཀའ་འཁྲོལ་ཞུས་པར་བརྟེན་ཕྱི་ལོ་ ༢༠༢༡ ཟླ་ ༤ ཚེས་ ༡༡ ཉིན་སྦེལ་ཇམ་ནང་ཏོག་དབྱིབས་གཉན་རིམས་ཀྱི་རྐྱེན་པས་སྒོ་རྒྱ་ཐེངས་གསུམ་པ་བསྡམས་ཡོད་ཀྱང་སྦེལ་ཇམ་སྐུ་ཚབ་དོན་གཅོད་ཁང་གི་ཁྱབ་ཁོངས་ཡུ་རོབ་རྒྱལ་ཁབ་སྦེལ་ཇམ་དང་། ནི་ཐར་ལན་ཌི། ཕ་རན་སི། སི་པན་བཅས་ཀྱི་ནང་ཡོད་པའི་བོད་མི་ལོ་ན་བཅོ་བརྒྱད་སོན་པ་ཡན་གྱིས་རང་དབང་དང་ཁྲིམས་མཐུན་གྱི་སྒོ་ནས་བོད་མིའི་སྒྲིག་འཛུགས་ཀྱི་སྲིད་སྐྱོང་དང་བོད་མི་མང་སྤྱི་འཐུས་སྐབས་ ༡༧ པའི་སྤྱི་འཐུས་འོས་འདེམས་ཆེད་དངོས་གཞིའི་འོས་ཤོག་འཕངས་ཡོད།སྦར་སིལ་སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་ཀྱིས་གསུང་དོན། སྦེལ་ཇམ་དང་། ཧོ་ལན་ཌི། ཕ་རན་སི། སི་པན་བཅས་ཀྱི་ནང་ཡོད་པའི་ས་གནས་འོས་བསྡུ་ཚོགས་ཆུང་གིས་འབད་བརྩོན་ལ་བརྟེན་ནས་ཏོག་དབྱིབས་གཉན་རིམས་ཀྱི་རྐྱེན་པས་ས་གནས་ཁག་སོ་སོར་དཀའ་ངལ་ཡོད་ཀྱང་སྦེལ་ཇམ་སྐུ་ཚབ་དོན་གཅོད་ཁང་གི་ཁྱབ་ཁོངས་ཡུ་རོབ་རྒྱལ་ཁབ་སྦེལ་ཇམ་དང་། ནི་ཐར་ལན་ཌི། ཕ་རན་སི། སི་པན་བཅས་ཀྱི་ནང་ཡོད་པའི་བོད་མི་ལོ་ན་བཅོ་བརྒྱད་སོན་པ་ཡན་གྱིས་རང་དབང་དང་ཁྲིམས་མཐུན་གྱི་སྒོ་ནས་བོད་མིའི་སྒྲིག་འཛུགས་ཀྱི་སྲིད་སྐྱོང་དང་བོད་མི་མང་སྤྱི་འཐུས་སྐབས་ ༡༧ པའི་སྤྱི་འཐུས་འོས་འདེམས་ཆེད་དངོས་གཞིའི་འོས་ཤོག་འཕངས་ཐུབ་པ་ནི་ཧ་ཅང་དགའ་འོས་པ་རེད། ཅེས་དང་།