༄༅། །མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༤༦ ཚོགས་བཞིན་པའི་ཐོག་སུད་སིའི་དོན་ཁང་གི་ལས་བྱེད་སྐལ་ལྡན་མཚོ་མོ་ལགས་ཀྱིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གིས་རྒྱ་ནག་འདི་ཉིད་བསམ་གཞིག་བྱེད་ཁོངས་སུ་བཅུག་སྟེ་བོད་ནང་གི་དྲག་གནོན་ཅན་གྱི་སྲིད་བྱུས་དག་མཚམས་འཇོག་ཡོང་བའི་རེ་སྐུལ་ཞུས་ཡོད།
དེ་ཡང་སྐལ་ལྡན་མཚོ་མོ་ལགས་ཀྱིས་འཇིག་ཉེན་ཡོད་པའི་མི་རིགས་སྲུང་སྐྱོབ་ལྷན་ཚོགས་ཀྱི་ཚབ་ཞུས་ཏེ་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཏུ་འགྲོ་བཞིན་པའི་ཐོག་གསུང་བཤད་གནང་ཡོད་པ་དང་། ལྷག་པར་རྒྱ་ནག་ཝུ་ཧན་ནས་མཆེད་པའི་ཏོག་དབྱིབས་གཉན་རིམས་འཛམ་གླིང་ཐོག་གློ་བུར་དུ་ཁྱབ་པ་ནས་བཟུང་བོད་ནང་དམ་དྲག་ཤུགས་ཆེ་རུ་ཕྱིན་ཡོད་སྐོར་འགྲེལ་བརྗོད་གནང་ཡོད། སྐལ་ལྡན་མཚོ་མོ་ལགས་ཀྱིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་ནས་རྒྱ་ནག་གཞུང་གིས་བོད་ནང་གི་བོད་མི་ཚོར་འཛིན་པའི་དྲག་གནོན་ཅན་གྱི་སྲིད་བྱུས་འཕྲལ་དུ་མཚམས་འཇོག་བྱེད་དུ་འཇུག་དགོས་པའི་རེ་སྐུལ་ཞུས་ཡོད་པ་མ་ཟད། རྒྱ་ནག་གཞུང་ལ་མཉམ་འབྲེལ་རྒྱལ་ཚོགས་ཀྱི་ཁྱད་མཁས་མི་སྣར་ཚད་བཀག་མེད་པར་རྒྱ་གཞུང་གིས་དྲག་གནོན་འོག་མྱོང་བཞིན་པའི་མི་མང་གི་གནས་སྟངས་ཐོག་དཔྱད་ཞིབ་བྱེད་མཆོག་པའི་རེ་སྐུལ་ཞུས་ཡོད།
དེ་བཞིན་བོད་ནང་གི་བོད་མི་རྣམས་འདས་པའི་ལོ་ངོ་ ༦༠ ལྷག་གི་རིང་རྒྱ་ནག་གིས་དམ་བསྒྲགས་བཀག་འགོག་གི་གནས་སྟངས་ཐོག་འགྲེལ་བརྗོད་གནང་ཡོད། རྒྱ་ནག་གཞུང་གིས་བོད་ནང་གི་བོད་མི་ཚོས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་པར་སྒྲིག་གཤོམས་མི་ཆོག་པ་དང་། བོད་ནང་འགྲོ་བ་མིའི་ཐོབ་ཐང་སྲུང་སྐྱོབ་བྱེད་མཁན་རྣམས་ཉེས་ཅན་པ་བཟོས་པ། ཁོར་ཡུག་སྲུང་སྐྱོབ་བྱེད་མི་རྣམས་ཆབ་སྲིད་ཅན་དུ་བཟོས་ཡོད་སྐོར་སོགས་འགྲེལ་བརྗོད་གནང་ཡོད་པ་མ་ཟད། བོད་པའི་སྐད་ཡིག་གི་ཚབ་ཏུ་རྒྱ་ནག་གི་སྐད་ཡིག་བེད་སྤྱོད་བྱེད་དུ་བཅུག་པ་དང་། རྒྱ་ནག་གཞུང་གིས་དབུལ་སྐྱོར་གྱི་མིང་ཐོག་ནས་རང་མགོ་རང་ཐོན་གྱི་བོད་ཀྱི་འབྲོག་པའི་འཚོ་ཐབས་གཏོར་བཤིག་བཏང་ཡོད་སྐོར། རྒྱུ་མཚན་དེ་དག་གི་རྐྱེན་པས་ཕྱི་ལོ་ ༢༠༠༩ ནས་བཟུང་བོད་ནང་བོད་མི་ ༡༥༥ ལྷག་གིས་རང་ལུས་མེར་བསྲེགས་བཏང་སྟེ་བོད་མིར་རང་དབང་དང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བོད་དུ་གདན་འདྲེན་ཞུ་དགོས་པའི་སྐད་འབོད་དང་བཅས་རྒྱ་གཞུང་ལ་ངོ་རྒོལ་གནང་ཡོད་སྐོར་འགྲེལ་བརྗོད་གནང་ཡོད།
མཐའ་དོན་སྐལ་ལྡན་མཚོ་མོ་ལགས་ཀྱིས་མཉམ་འབྲེལ་རྒྱལ་ཚོགས་ཀྱི
