ཕྱི་ལོ་ ༢༠༢༡ ཟླ་ ༢ ཚེས་ ༡༦ རེས་གཟའ་མིག་དམར། 

༄༅།  །བོད་མིའི་སྒྲིག་འཛུགས་ཕྱི་དྲིལ་བོད་ཀྱི་འགྲེམས་སྟོན་ཁང་དུ་ (Curator and Conservator) ལས་གནས་ཐོག་ལས་བྱེད་གཅིག་གྱི་ས་མིག་ཡོད་ན།  རང་རེའི་སྤྱི་ཚོགས་ཁྲོད་གཤམ་གསལ་ཆ་རྐྱེན་ཚང་ཞིང་རྒྱུན་མཐུད་ཞབས་འདེགས་ཞུ་བློ་ཡོད་རིགས་རྣམས་འཚང་སྙན་འབུལ་འཐུས།

འོས་ཆོས་ཆ་རྐྱེན། 

༡།   འགྲེམས་སྟོན་ཚན་རིག་དང་ལོ་རྒྱུས་ཐོག་གཙུག་ལག་རབ་འབྱམས་པའི་ (M.A in History and Museology) སློབ་ཐོན་ལག་འཁྱེར་ཡོད་པ།

༢།   འགྲེམས་སྟོན་ཁང་དང་འབྲེལ་བའི་ཚད་ལྡན་སློབ་སྦྱོང་དང་ཉམས་མྱོང་ཡོད་རིགས་ལ་དམིགས་བསལ་ཡོད།

༣། དབྱིན་བོད་གཉིས་ཀྱི་ཤེས་ཚད་རང་སྐྱ་འཕེར་བ།

༤། བོད་ཀྱི་རྒྱལ་རབས་ལོ་རྒྱུས་ཐོག་གོ་རྟོག་ལེགས་པོ་ཡོད་པ།

དགོས་ངེས་ཡིག་ཆ། 

༡། ཞུ་སྙན་འབུལ་མིའི་ལོ་རྒྱུས་སྙིང་བསྡུས།

༢། དག་མཆན་འཁོད་པའི་འཛིན་རིམ་བཅུ་པ་དང་བཅུ་གཉིས།  ཉེ་བའི་གཙུག་ལག་རབ་འབྱམས་དང་གཙུག་ལག་རབ་འབྱམས་བཅས་ཀྱི་སློབ་ཐོན་ལག་འཁྱེར་དང་ཤེས་ཚད་ཨང་ཤོག་ (Degree certificate and mark sheet) གྱི་ངོ་བཤུས།

༣། དང་བླངས་དཔྱ་དངུལ་འབུལ་འབབ་གཙང་འབུལ་ཟིན་པའི་ལག་དེབ་ཀྱི་ངོ་བཤུས།

༤། གནས་ཡུལ་རྒྱལ་ཁབ་ཏུ་ཁྲིམས་མཐུན་གནས་སྡོད་ཆོག་པའི་ངོ་སྤྲོད་ལག་འཁྱེར་ངོ་བཤུས།

༥། གཟུགས་གཞི་བདེ་ཐང་ལས་འཕེར་ཡིན་པའི་ངོས་སྦྱོར་སྟེང་རང་ཉིད་ཀྱི་ཕྱེད་པར་མཉམ་སྦྱར་ཐོག་སྨན་པ་ཚད་ལྡན་གྱི་ལས་དམ་དང་མཚན་རྟགས་འཁོད་པ་ངོ་མ།

༦། རང་ཉིད་གཏན་སྡོད་བྱ་ཡུལ་ས་གནས་འགོ་འཛིན་ནས་རྒྱུན་དུ་བྱ་སྤྱོད་ཉེས་སྐྱོན་མེད་པའི་ངོས་སྦྱོར་ངོ་མ།

༧། སྤྱི་སྒེར་སྡེ་ཚན་གང་རུང་དུ་ལས་ཀ་བྱེད་མུས་ཡིན་ཚེ་སྡེ་ཚན་དེའི་འགན་འཛིན་ནས་དགག་བྱ་མེད་པའི་ངོས་སྦྱོར་ངོ་མ།

ཐུགས་སྣང། 

གོང་འཁོད་ཡིག་ཆའི་ངོ་བཤུས་ཁག་ལ་འབྲེལ་ཡོད་ས་གནས་འགོ་འཛིན་ནམ་ཡང་ན།  ལས་བྱེད་འདེམས་བསྐོ་ལྷན་ཁང་ནས་བསྐོ་གཞག་གནང་བའི་ཟུང་འབྲེལ་དྲུང་ཆེའི་གནས་རིམ་ཡན་སུ་རུང་གྱི་དག་མཆན་དང་ལས་དམ་བཀོད་དེ་གཤམ་གསལ་ཞལ་བྱང་ངམ་གློག་འཕྲིན་ཁ་བྱང་ [email protected] ཐོག་ཕྱི་ལོ་ ༢༠༢༡ ཟླ་ ༢ ཚེས་ ༢༦ ཉིན་གྱི་ཕྱི་དྲོ་ཚོུད་ ༥ གོང་འབུལ་དགོས།  དོ་བདག་ལ་འབྲེལ་བ་ཞུ་བདེའི་སླད་གློག་འཕྲིན་ཁ་བྱང་དང་ཁ་པར་ཨང་གྲངས་སོགས་འཚང་སྙན་ནང་ཁ་གསལ་བཀོད་དགོས།   ཡིག་ཆ་ངོ་མ་རྣམས་འབྱོར་ཐོ་འགོད་བཅར་སྐབས་མིག་སྟོན་དགོས།  ཆ་རྐྱེན་ཚང་བའི་ཞུ་སྙན་ཕུལ་མཁན་རྣམས་ལ་འདེམས་རྒྱུགས་ཀྱི་ཚེས་སྐབས་མཚམས་ཐག་གཅོད་བྱ་རྒྱུ་ཡིན་པ་བཅས་ཀྱི་ཡོངས་ཁྱབ་གསལ་བསྒྲགས་སུ།  ཕྱི་དྲིལ་བོད་ཀྱི་འགྲེམས་སྟོན་ཁང་ནས་ཕྱི་ལོ་ ༢༠༢༡ ཟླ་ ༢ ཚེས་ ༡༥ ལ།།