ཕྱི་ལོ་ ༢༠༢༡ ཟླ་ ༢ ཚེས་ ༡༢ རེས་གཟའ་པ་སངས།

༄༅། །ཕྱི་ལོ་ ༢༠༢༡ ཟླ་ ༢ ཚེས་ ༡༡ རེས་གཟའ་པ་སངས་ཉིན་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་རྒྱ་ཁག་ལེགས་བཅོས་གནང་ཡོད།

དེ་ཡང་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་གིས་གསུང་དོན། སྤྱིར་ཚང་མས་གཟིགས་ཡོང་ངེས་རེད། བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་རྒྱ་ www.bod.asia དང་། www.tibet.net,www.xizang-zhiye.org བཅས་ཡར་རྒྱས་དང་གསར་བཟོ་གནང་ཡོད་པ་མ་ཟད། ཧིན་སྐད་ཐོག་དྲ་རྒྱ་གསར་བཟོ་གནང་ཡོད། དེར་བརྟེན་ཚང་མས་གཟིགས་རོགས་ཞེས་ཞུ་རྒྱུ་དང་། ཕྱི་ལོ་ ༢༠༡༡ ལོར་གཞུང་འབྲེལ་ཨིན་ཡིག་དྲ་རྒྱར་གཟིགས་མཁན་འབུམ་ཁ་ཤས་ཡོད་པ་དྲན་གྱི་འདུག ད་ལྟའི་ཆར་དྲ་རྒྱ་གཟིགས་མཁན་ས་ཡ་བཅུ་གཅིག་ལྷག་ཙམ་འདུག

དེ་བཞིན་བོད་ཡིག་དྲ་རྒྱར་གཟིགས་མཁན་འབུམ་དྲུག་ལྷག་ཙམ་དང་། རྒྱ་ཡིག་དྲ་རྒྱར་གཟིགས་མཁན་འབུམ་བརྒྱད་ཙམ་ཡོད་སྟབས་སྔར་ལྷག་ཡར་རྒྱས་ཧ་ཅང་ཕྱིན་ཡོད། དེ་ལྟར་ཡར་རྒྱས་འགྲོ་དགོས་དོན་གཙོ་བོ་ནི་རྣམ་པ་ཚོས་དོ་སྣང་དང་མང་པོ་གཟིགས་གི་ཡོད་པ་ལ་བརྟེན་ནས་ཡིན། ད་དུང་ཡིན་ནའང་མུ་མཐུད་གཟིགས་གནང་དང་སོ་སོའི་ངོ་ཤེས་པ་རྣམས་ལ་གང་མང་བརྒྱུད་སྤེལ་གནང་རོགས་ཞེས་ཞུ་རྒྱུ་ཡིན། ང་ཚོས་ཡང་ཉིན་རེ་བཞིན་གསར་འགྱུར་གང་མང་སྤེལ་རྒྱུའི་འབད་བརྩོན་ཞུ་བཞིན་ཡོད། གཞུང་འབྲེལ་ཨིན་ཡིག་དྲ་རྒྱར་མཚོན་ན་ཨིན་ཡིག་དྲ་རྒྱའི་ནང་ནས་མང་ཤོས་གཟིགས་མཁན་ཆགས་ཡོད།

བོད་ཀྱི་བརྙན་འཕྲིན་ཡིན་ནའང་གཟིགས་མཁན་མང་ཤོས་ཆགས་ཡོད། བོད་མིའི་སྒྲིག་འཛུགས་ཀྱི་གཞུང་འབྲེལ་གསར་འགྱུར་བརྒྱུད་ལམ་ཁག་གི་ནང་གནས་ཚུལ་མགྱོགས་པོ་སྤེལ་གནང་གི་ཡོད་པར་བརྟེན་ཆགས་ཡོད། དྲ་རྒྱ་གསར་པའི་ནང་དྲ་ཐོག་བོད་མིའི་སྒྲིག་འཛུགས་ལ་སྐོར་བསྐྱོད་ (Virtual Tour) ཀྱང་བཟོས་ཡོད། གཞན་ཡང་བོད་ནང་གི་འགྲོ་བ་མིའི་ཐོབ་ཐང་དང་། ཁོར་ཡུག་གནས་སྟངས་སྐོར་སོགས་ཡོད། ཅེས་གསུངས། །