ཕྱི་ལོ་ ༢༠༢༡ ཟླ་ ༢ ཚེས་ ༡༦ རེས་གཟའ་མིག་དམར།
༄༅། །ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་བོད་དོན་རྒྱབ་སྐྱོར་ཚོགས་པས་བོད་རྒྱལ་ལོ་ ༢༡༤༨ རབ་གནས་ལྕགས་གླང་ལོའི་གནམ་ལོ་གསར་དུ་བཞད་པའི་དགའ་སྟོན་ལ་འཚམས་འདྲི་དང་འབྲེལ། བོད་དོན་ཐད་མུ་མཐུད་རྒྱབ་སྐྱོར་གནང་རྒྱུའི་ཞལ་བཞེས་གནང་འདུག
དེ་ཡང་གྲོས་ཚོགས་བོད་དོན་རྒྱབ་སྐྱོར་ཚོགས་པའི་གྲོས་ཚོགས་འཐུས་མི་སྐུ་ཞབས་ (Přemysl Rabas) མཆོག་དང་། ཅེཀ་སྤྱི་མཐུན་རྒྱལ་ཁབ་ཀྱི་གྲོས་ཚོགས་བོད་དོན་རྒྱབ་སྐྱོར་ཚོགས་པ་ཐོག་མར་འཛུགས་མཁན་གྱི་ཚོགས་མི་སྐུ་ཞབས་ཧྥ་རན་ཊི་སེག་ཀོ་པི་རི་ཝ་ (Frantisek Kopriva) མཆོག་གིས་དབུས་པའི་ཚོགས་མི་རྣམ་པས་ལོ་གསར་ལ་འཚམས་འདྲི་གནང་དོན། བོད་ཀྱི་གནད་དོན་མྱུར་དུ་གསལ་བའི་སྨོན་ལམ་དང་སྦྲགས། བོད་དོན་ཐོག་མུ་མཐུད་རྒྱབ་སྐྱོར་གནང་རྒྱུ་ཡིན། བོད་མིའི་དགོས་འདུན་དབུ་མའི་ལམ་གྱི་སྲིད་བྱུས་གཞིར་བཟུང་བོད་མིར་མིང་དོན་མཚུངས་པའི་རང་སྐྱོང་ཐོབ་ཆེད་རྒྱབ་སྐྱོར་གནང་རྒྱུ་ཡིན་པ་དང་། ཨ་རིའི་གཞུང་གིས་ཕྱི་ལོ་ ༢༠༢༠ ལོའི་བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་གཏན་འབེབས་གནང་བར་བོད་མིའི་སྒྲིག་འཛུགས་ཀྱི་འགོ་ཁྲིད་དབུས་པའི་བོད་མི་མང་ཚོགས་ལ་དགའ་བསུའི་འཚམས་འདྲི་ཡོད། ཁྲིམས་དེས་བོད་དོན་ཐད་གནད་འགག་ཞིག་མཚོན་གྱི་ཡོད། ཅེས་གསུངས།
སྤྱིར་ཕྱི་ལོ་ ༢༠༡༨ ལོར་ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་བོད་དོན་རྒྱབ་སྐྱོར་ཚོགས་པ་དེ་བཞིན་གཞུང་འབྲེལ་ཐོག་ནས་བསྐྱར་འཛུགས་གནང་བ་མ་ཟད། ཡུ་རོབ་ཁུལ་གྱི་གྲོས་ཚོགས་བོད་དོན་རྒྱབ་སྐྱོར་ཚོགས་པ་ཆེ་ཤོས་ཤིག་ཀྱང་ཆགས་ཀྱི་ཡོད་པ་བཅས། །
