ཕྱི་ལོ་ ༢༠༢༠ ཟླ་ ༡༢ ཚེས་ ༡༧ རེས་གཟའ་ཕུར་བུ།

༄༅། །ཨ་རིའི་གྲོས་ཚོགས་འོག་མའི་འཐུས་མི་སྐུ་ཞབས་སི་ཀོཌ་པེ་རི་ (Scott Perry) མཆོག་གིས་ཨ་རིའི་སྲིད་འཛིན་སྐུ་ཞབས་ཌོ་ནལ་ཊམ་ (Donald Trump) མཆོག་ལ་ཨ་རིའི་ངོས་ནས་བོད་དེ་རང་བཙན་གཙང་མའི་རྒྱལ་ཁབ་གཅིག་ལ་ངོས་འཛིན་གནང་དགོས་པའི་ཞུ་སྙན་ཞིག་ཕུལ་འདུག 

དེ་ཡང་ཞུ་སྙན་དེའི་ནང་སྐུ་ཞབས་སི་ཀོཌ་པེ་རི་མཆོག་གིས་ཨ་རིའི་སྲིད་འཛིན་སྐུ་ཞབས་ཌོ་ནལ་ཊམ་མཆོག་གིས་རྒྱ་ནག་དམར་ཤོག་ཚོགས་པའི་གཡོ་སྒྱུ་ཅན་གྱི་བྱ་སྤྱོད་ངན་པ་རྣམས་ཐེར་འདོན་གནང་བར་བསྔགས་བརྗོད་དང་སྦྲགས་རྒྱ་ནག་གིས་བོད་དབང་སྒྱུར་བྱས་པའི་གནས་བབས་སྐོར་འཁོད་ཡོད། 

ཕྱི་ལོ་ ༢༠༢༠ ཟླ་ ༥ ཚེས་ ༡༩ ཉིན་ཨ་རིའི་གྲོས་ཚོགས་འོག་མའི་འཐུས་མི་སྐུ་ཞབས་སི་ཁོ་ཊི་པེ་རི་མཆོག་གིས་གྲོས་ཚོགས་འོག་མའི་ནང་ཁྲིམས་འཆར་ཨང་ (H.R. 6948) ཞེས་པ་ངོ་སྤྲོད་གནང་ཡོད་པ་དང་།  ཁྲིམས་འཆར་དེས་ཨ་རིའི་སྲིད་འཛིན་མཆོག་གིས་བོད་རང་སྐྱོང་ལྗོངས་ཟེར་བ་དེ་རང་བཙན་གཙང་མའི་རྒྱལ་ཁབ་གཅིག་ཡིན་པ་ངོས་འཛིན་གནང་དགོས་པའི་བཀའ་འཁྲོལ་གནང་ཡོད་པའི་སྐོར་འཁོད་ཡོད།།