ཕྱི་ལོ་ ༢༠༢༠ ཟླ་ ༡༢ ཚེས་ ༤ རེས་གཟའ་པ་སངས།
དེ་ཡང་བོད་ཀྱི་དུས་བབ་གསར་ཁང་ནས་གནས་ཚུལ་སྤེལ་གསལ་ལྟར་ན། རྡ་སར་གནས་སྡོད་རེབ་གོང་ནས་ཡིན་པ་ཞིག་གིས་འདི་གའི་གསར་འགོད་པར་དགེ་འདུན་ལྷུན་གྲུབ་ལགས་ཟླ་འདིའི་ཕྱི་ཚེས་ ༢ ཉིན་འཛིན་བཟུང་བྱས་ཡོད་སྐོར་བོད་རང་ནས་གསུངས་བྱུང་ཞེས་གནས་ཚུལ་མཁོ་སྤྲོད་གནང་བྱུང་ལ། ཁོང་གི་གྲོགས་པོ་ཞིག་ལ་དེའི་སྐོར་དྲིས་པར་ཁོང་གིས། རོང་པོ་དགེ་འདུན་ལྷུན་གྲུབ་ལགས་དང་སྒེར་འབྲེལ་ཡོད་ཀྱང་། ཉེ་སྔོན་ནས་འབྲེལ་གཏུག་བྱས་མེད་པ་དང་། དེ་རིང་ཁོང་གི་སྐད་འཕྲིན་གྱི་རྒྱབ་ལྗོངས་སུ་ལྟ་སྐབས་གནས་ཚུལ་ཚང་མ་ལྟ་མི་ཐུབ་པའམ་ནག་གསུབ་བཏང་འདུག དེ་སྔོན་ནས་ཁོང་ལ་རྒྱ་ནག་གཞུང་གིས་དོགས་ཟོན་བྱེད་ཀྱི་ཡོད་པ་མ་ཟད། ཐེངས་མང་པོར་བཀག་ཉར་བྱས་ཏེ་འདྲི་རྩད་བྱས་ཡོད་པ་རེད། །
