ཕྱི་ལོ་ ༢༠༢༠ ཟླ་ ༡༡ ཚེས་ ༡༠ རེས་གཟའ་མིག་དམར།

༄༅། །རྒྱ་གར་ནང་ཏོག་དབྱིབས་གཉན་རིམས་ཁྱབ་གདལ་ཇེ་མང་དུ་འགྲོ་བཞིན་ཡོད་པར་བརྟེན་རྒྱ་བལ་འབྲུག་གསུམ་ནང་གནས་སྡོད་བོད་མི་མང་པོ་ཞིག་ལ་དཔལ་འབྱོར་དང་ནང་སེམས་ཀྱི་དཀའ་ངལ་འཕྲད་བཞིན་ཡོད་སྟབས། བོད་མིའི་སྒྲིག་འཛུགས་ནང་སྲིད་ལས་ཁུངས་ནས་རྒྱ་བལ་འབྲུག་གསུམ་གྱི་བཙན་བྱོལ་བོད་མིའི་གཞི་ཆགས་ཁག་ ༣༩ ནང་ཡོད་པའི་རྒས་གཅོང་ཉམ་ཐག་གྲངས་ ༧༨༠ དང་སློབ་ཕྲུག་ ༥༧༢ བཅས་ལ་ངལ་སེལ་རོགས་དངུལ་ཐེངས་གཉིས་པ་བགོ་འགྲེམས་གནང་ཡོད། 

ཐེངས་འདིའི་ངལ་སེལ་རོགས་དངུལ་འདི་ཟླ་བ་གསུམ་ནས་དྲུག་བར་འདང་ངེས་ཡིན་པ་དང་། དཀའ་ཚེགས་ཀྱི་དུས་སྐབས་འདིར་གཞི་རྒྱ་ཆེ་བའི་ངལ་སེལ་རོགས་དངུལ་ཞིག་ཆགས་ཡོད།

རོགས་དངུལ་གནང་ཡུལ་ས་གནས་ཁག་གི་ཐོ་གཞུང་གཤམ་གསལ།