ཕྱི་ལོ་ ༢༠༢༠ ཟླ་ ༡༡ ཚེས་ ༡༠ རེས་གཟའ་མིག་དམར།
༄༅། །ཕྱི་ལོ་ ༢༠༢༠ ཟླ་ ༡༡ ཚེས་ ༡༠ རེས་གཟའ་མིག་དམར་ཉིན་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་ནང་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་དང་ཕྱི་འབྲེལ་དྲུང་ཆེ་ཀརྨ་ཆོས་དབྱིངས་ལགས། དྲིལ་བསྒྲགས་དྲུང་ཆེ་འཆི་མེད་ཚེ་དབྱངས་ལགས། ཕྱི་དྲིལ་འཛིན་སྐྱོང་འགན་འཛིན་བཀྲ་ཤིས་ཕུན་ཚོགས་ལགས། དེ་བཞིན་གསར་འགོད་པ་བཅས་ལྷན་འཛོམས་ཐོག་དཔལ་ལྡན་སྲིད་སྐྱོང་མཆོག་ཨ་རིར་གཞུང་འབྲེལ་ཕྱོགས་ཕེབས་གནང་གཏན་འཁེལ་བའི་སྐོར་གསར་འགོད་གསལ་བསྒྲགས་ཤིག་སྤེལ་གནང་སོང་།
དེ་ཡང་གོང་ཚེས་ཉིན་གྱི་ཕྱེད་ཡོལ་ཆུ་ཚོད་ ༢།༢༠ ཐོག་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་གིས་འཚམས་འདྲི་དང་འབྲེལ་གསུང་དོན། སྤྱིར་ཨ་རིའི་སྲིད་འཛིན་གསར་པ་སྐུ་ཞབས་ཇོ་བཱཡི་ཌེན་མཆོག་དང་སྲིད་འཛིན་གཞོན་པ་ལྕམ་སྐུ་ཀ་མ་ལཱ་ཧཻ་རིས་མཆོག་རྣམ་གཉིས་ལ་གཞུང་འབྲེལ་ཐོག་ནས་འཚམས་འདྲི་ཞུས་པ་ཡིན། ད་རེས་བསྐྱར་དུ་འཚམས་འདྲི་ཞུ་རྒྱུ་ཡིན། ཁོང་རྣམ་གཉིས་ཀྱི་ལས་ཡུན་རིང་ཨ་རིའི་དཔལ་འབྱོར་དང་། རྩ་དོན། ཆབ་སྲིད་སོགས་གང་ཅིའི་ཐད་ནས་ལམ་ལྷོངས་ཡོང་བ་དང་། ལྷག་པར་ཏོག་དབྱིབས་གཉན་རིམས་དང་འབྲེལ་བའི་ཐོག་ནས་འཕྲོད་བསྟེན་སོགས་ཀྱི་ཐོག་ལའང་ལམ་ལྷོངས་ཡོང་བར་ཤོག་ཅེས་ཞུ་རྒྱུ་ཡིན།
གསར་དུ་བདམས་ཐོན་བྱུང་བའི་ཨ་རིའི་སྲིད་འཛིན་སྐུ་ཞབས་ཇོ་བཱཡི་ཌེན་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་དང་མཇལ་འཕྲད་ཞུ་རྒྱུ་ཡིན་པ་དང་། བོད་ནང་གི་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་གཏོང་མཁན་རྒྱ་ནག་གཞུང་གི་ལས་བྱེད་མི་སྣ་རྣམས་ལ་དམ་བསྒྲགས་བཀའ་ཆད་གཅོད་རྒྱུ་ཡིན་ཞེས་གསུངས་པ་རེད། དེ་དག་ཚང་མ་སྲིད་འཛིན་གྱི་འོས་མི་ཡིན་པའི་སྐབས་ཧ་ཅང་ཤུགས་ཆེན་པོ་གསུངས་པ་དེ་ཕལ་ཆེར་དང་པོ་མིན་ནའང་ཧ་ཅང་དཀོན་པོ་རེད་བསམ་གྱི་འདུག དེར་བརྟེན་ངས་ཐུགས་རྗེ་ཆེ་ཞེས་ཞུ་རྒྱུ་ཡིན།
དེ་སྔ་ཨ་རིའི་སྤྱི་མཐུན་ཚོགས་པ་དང་། མང་གཙོ་ཚོགས་པ་ནས་སྲིད་འཛིན་སུ་འདྲ་ཞིག་ཕེབས་པ་ཡིན་ནའང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུས་ཡོད། ད་རེས་ཨ་རིའི་སྲིད་འཛིན་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་ཞུ་རྒྱུ་ཡིན་སྐོར་གསུངས་པ་དེར་ངས་བོད་མི་ཡོངས་ཀྱི་ཚབ་ཞུས་ཏེ་ཐུགས་རྗེ་ཆེ་ཞེས་ཞུ་རྒྱུ་ཡིན། རྩ་བའི་འོས་གྲངས་རྩི་བཞིན་ཡོད་པ་དང་། ཕྱོགས་མཚུངས་ཁྲིམས་ཀྱི་ཐོག་ནས་ཀྱང་གནས་ཚུལ་ཞིག་འགྲོ་བཞིན་ཡོད་ནའང་ཨ་རིའི་སྲིད་འཛིན་ལས་ཐོག་སྐུ་ཞབས་ཌོ་ནལ་ཊམ་ (Donald Trump) མཆོག་གིས་ཀྱང་བོད་དོན་ཐོག་རྒྱབ་སྐྱོར་ཧ་ཅང་ཤུགས་ཆེ་གནང་ཡོད། དཔེར་ན། བོད་ནང་ཕར་འགྲོ་ཚུར་འོང་གི་གོ་སྐབས་འདྲ་མཉམ་གྱི་ཁྲིམས་འཆར་དང་། རོགས་དངུལ་ཡིན་ནའང་ཧ་ཅང་མང་པོ་སྤར་ཡོད། དེ་བཞིན་བོད་དང་འབྲེལ་བའི་ཐོག་སྲིད་འཛིན་གཞོན་པ་དང་ཕྱི་སྲིད་བློན་ཆེན་བཅས་ནས་ཧ་ཅང་ཤུགས་ཆེན་པོ་གསུང་གནང་ཡོད་པར་བརྟེན་ཁོང་གི་ལས་ཡུན་རིང་བོད་དོན་ཐོག་རྒྱབ་སྐྱོར་ཤུགས་ཆེ་གནང་བར་སྙིང་ཐག་པ་ནས་ཐུགས་ཆེ་རྗེ་ཆེ་ཞེས་ཞུ་རྒྱུ་ཡིན།
ཉེ་ཆར་ཕྲན་རང་ཨ་རིའི་ཕྱི་སྲིད་ལས་ཁུངས་སུ་གཞུང་འབྲེལ་ཐོག་ནས་བཅར་རྒྱུ་བྱུང་བ་དེ་ཆབ་སྲིད་ཐོག་ནས་ཧ་ཅང་གལ་ཆེན་པོ་ཆགས་ཀྱི་ཡོད། ན་ནིང་ཕྱི་ཟླ་ ༡༡ ནང་ཕྲན་རང་ཨ་རིའི་རྒྱ་ས་ཝ་ཤིང་ཊོན་ནང་ཡོད་པའི་སྐབས་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཁང་གི་ཆེས་མཐོའི་སྐུ་ཚབ་བྷི་རོན་བྷད་ཀི་ (Brownback) མཆོག་གི་ལས་ཁུངས་ནས་འབད་བརྩོན་གནང་སྟེ་སང་ཉིན་ཨ་རིའི་ཕྱི་སྲིད་ལས་ཁུངས་སུ་འགྲོ་རྒྱུའི་བཀའ་འཁྲོལ་ཐོབ་བྱུང་ཞེས་གནས་ཚུལ་འབྱོར་བ་རེད། ཨ་རིའི་ཕྱི་སྲིད་ལས་ཁུངས་ནང་བོད་དོན་དང་འབྲེལ་བའི་སྡེ་ཚན་དགུ་ཙམ་འདུག་པ་དེ་དག་བགྲོ་གླེང་མང་པོ་བྱུང་སྟེ་མང་ཆེ་བས་རྒྱབ་སྐྱོར་གནང་འདུག འོན་ཀྱང་སྡེ་ཚན་ཞིག་གིས་གལ་ཏེ་ཕྱི་སྲིད་བློན་ཆེན་མཆོག་གིས་བཀའ་འཁྲོལ་ཁ་གསལ་མེད་ན། ང་ཚོས་ལོ་དྲུག་ཅུའི་ལངས་ཕྱོགས་ལ་བསྒྱུར་བ་གཏོང་གི་ཡོད་པ་རེད། དེར་བརྟེན་ཕྱི་སྲིད་བློན་ཆེན་རང་གིས་བཀའ་འཁྲོལ་མེད་ན་འགྲིག་གི་མ་རེད། ཅེས་བསམ་ཚུལ་བྱུང་བར་བརྟེན་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཁང་གི་ཆེས་མཐོའི་སྐུ་ཚབ་བྷི་རོན་བྷད་ཀི་མཆོག་གིས་ཨ་རིའི་ཕྱི་སྲིད་བློན་ཆེན་མཆོག་དང་མཇལ་འཕྲད་གནང་སྟེ་བཀའ་མོལ་གནང་འདུག སྐབས་དེར་བཀའ་མོལ་ལྷུག་པོ་བྱུང་མི་འདུག ཕྱི་སྲིད་བློན་ཆེན་མཆོག་གིས་ལས་བྱེད་རྣམས་ཀྱིས་གང་གསུང་གི་འདུག་ཅེས་དྲིས་པར་སྡེ་ཚན་ཞིག་གིས་འདི་ལྟར་གསུང་གི་འདུག་ཅེས་ཞུས་འདུག ཕྱི་སྲིད་བློན་ཆེན་མཆོག་གིས་གནས་སྐབས་རིང་བཞག་ན་ཞེས་གསུངས་པར་བརྟེན་ཕྲན་རང་ཕྱི་སྲིད་ལས་ཁུངས་སུ་བཅར་རྒྱུ་མ་བྱུང་བ་རེད།
དེ་སྔ་སྦ་ཤིན་ཊོན་ཌི་སིར་མ་འགྲོ་གོང་རོ་བྷར་
སྲིད་འཛིན་ལས་ཡུན་ལ་གང་ཆགས་དང་མ་ཆགས་གནད་འགག་ཡོད། གཞི་རྩའི་བོད་དོན་རྒྱབ་སྐྱོར་སྲིད་བྱུས་
དེ་ཡང་ཕྱི་ལོ་ ༢༠༢༠ ཟླ་ ༡༠ ནང་ཨ་རིའི་ཕྱི་སྲིད་ལྷན་ཁང་གི་དྲུང་ཆེའི་བཀའ་འཁྲོལ་ཐོབ་པར་བརྟེན་བོད་མིའི་སྒྲིག་འཛུགས་ཀྱི་སྲིད་སྐྱོང་ཨ་རིའི་ཕྱི་སྲིད་ལྷན་ཁང་དུ་ཐེངས་དང་པོ་གཞུང་འབྲེལ་མགྲོན་འབོད་གནང་བ་དང་སྦྲགས་ཉེ་ཆར་ཨ་རི་གཞུང་གིས་བསྐོ་གཞག་གནང་བའི་ཨ་རིའི་བོད་དོན་དམིགས་བསལ་འབྲེལ་མཐུད་པ་གསར་པ་སྐུ་ཞབས་རོ་བྷར་ཊི་ཌེ་སི་ཊི་རོ་ (Robert A. Destro) མཆོག་དང་ཐུག་འཕྲད་བྱུང་བ་དེས་བོད་མིའི་སྒྲིག་འཛུགས་ངོས་ལེན་བྱས་པ་མཚོན་གྱི་ཡོད། ཆབ་སྲིད་ཐོག་ནས་གནད་འགག་ཆེན་པོ་རེད། སྐུ་ཞབས་རོ་བྷར་ཊི་ཌེ་སི་ཊི་རོ་མཆོག་གིས་འབད་བརྩོན་གནང་བ་ལ་བརྟེན་ནས་བྱུང་བ་ཞིག་ཡིན། སྐུ་ཚབ་བསྐོ་གཞག་གནང་བ་འདི་ཧ་ཅང་ཡག་པོ་བྱུང་འདུག་པ་མ་ཟད། བོད་དོན་དྲིལ་བསྒྲགས་སོགས་གནང་ཡོད།
དེ་སྔ་བོད་དོན་དམིགས་བསལ་སྐུ་ཚབ་རྣམས་ནས་ཀྱང་ཕྱག་ལས་ཧ་ཅང་ཡག་པོ་གནང་ཡོད་ཀྱང་ད་ལན་སྐུ་ཞབས་ཁོང་གིས་སྔར་ལྷག་ཕྱག་ལས་གནང་བར་བརྟེན་ངས་ཐུགས་རྗེ་ཆེ་ཞུ་རྒྱུ་ཡིན། དེ་སྔ་ཕར་ཕྱིན་པའི་སྐབས་བོད་དོན་རྒྱབ་སྐྱོར་གྱི་ཁྲིམས་འཆར་ཐོག་ཤུགས་སྣོན་བྱ་རྒྱུ་ཡིན། འོན་ཀྱང་སྐབས་དེ་དུས་སྲིད་འཛིན་དང་གྲོས་ཚོགས་འཐུས་མི་མང་པོ་ཞིག་སྙུང་གཞི་བྱུང་བ་དང་དམིགས་བསལ་ཁྲིམས་དཔོན་བསྐོ་གཞག་ཐད་དོ་སྣང་ཤུགས་ཆེ་ཡོད་སྟབས་བོད་ཀྱི་སྲིད་བྱུས་ཐད་གླེང་སློང་བྱ་རྒྱུ་ཁག་པོ་ཆགས་སོང་། དེ་ནས་དྲ་རྒྱ་བརྒྱུད་ཕྱི་སྲིད་སྡེ་ཚན་གྱི་ལས་བྱེད་དང་ལྷན་ཚོགས་འདུ་ཞིག་ཚོགས་པ་དང་སྐབས་དེར་ཁོང་རྣམ་པས་སྲིད་སྐྱོང་ཨ་རིའི་འོས་བསྡུ་གྲུབ་རྗེས་སླར་ཡང་ཆེད་ཕེབས་ཀྱིས་འབད་བརྩོན་གནང་ཚེ་ཡག་པོ་ཡོད་སྐོར་སོགས་གསུངས་བྱུང། ཚང་མས་ཕྱར་གྲུ་མཉམ་འདེགས་ཐོག་ལས་དོན་བྱེད་དགོས།
ད་ཆ་ཨ་རིའི་སྲིད་འཛིན་དང་གྲོས་ཚོགས་འཐུས་མི་བཅས་ཀྱི་འོས་བསྡུའི་ལས་རིམ་གྲུབ་པ་རེད། འོན་ཀྱང་སྲིད་འཛིན་དང་གྲོས་ཚོགས་འཐུས་མི་གཉིས་ཀྱི་ལས་ཡུན་ཕྱི་ལོ་ ༢༠༢༡ ཟླ་ ༡ ཚེས་ ༢༠ བར་ཡོད། ཨ་རིའི་གྲོས་ཚོགས་གོང་མའི་ནང་ཟླ་བ་རེ་རེའི་ནང་ཚོགས་འདུ་ཞིག་བསྐོང་ཚོགས་གནང་གི་ཡོད། ཕྱི་ཟླ་ ༡༡ ནང་བདུན་ཕྲག་གསུམ་དང་། ཕྱི་ཟླ་ ༡༢ ནང་བདུན་ཕྲག་ཕལ་ཆེར་གཉིས་དང་གསུམ་འཚོགས་རྒྱུ་ཡིན་འདུག ལོ་གསར་པ་མ་ཤར་བར་ཨ་རིའི་གྲོས་ཚོགས་གོང་མའི་ནང་ཚོགས་འདུ་ཐེངས་ལྔ་འཚོགས་རྒྱུ་ཡིན་འདུག ད་ཆ་ང་ཚོའི་བོད་དོན་རྒྱབ་སྐྱོར་སྲིད་བྱུས་
ངས་བོད་དོན་རྒྱབ་སྐྱོར་སྲིད་བྱུས་
ཕྱི་ལོ་ ༢༠༢༡ ཟླ་ ༡ ཚེས་ ༢༠ བར་སྲིད་འཛིན་དང་གྲོས་ཚོགས་འཐུས་མི་རྙིང་པ་རང་འཇགས་ཡིན་སྟབས་ད་ལན་གོ་སྐབས་ཤིག་འདུག ཚང་མས་འབད་བརྩོན་གནང་རོགས་། ཕྱིས་སུ་སྲིད་འཛིན་དང་གྲོས་ཚོགས་འཐུས་མི་འགའ་ཤས་གསར་པ་ཡིན་སྟབས་ཁྲིམས་འཆར་དེ་བསྐྱར་དུ་ཁྲིམས་འཆར་གསར་པར་གཏོང་དགོས་ཀྱི་ཡོད། ཉུང་མཐའ་ལ་ཟླ་བ་བདུན་བརྒྱད་དགུ་འགོར་གྱི་རེད།
ད་རེས་བོད་དོན་རྒྱབ་སྐྱོར་སྲིད་བྱུས་
དེ་རྗེས་དཔལ་ལྡན་སྲིད་སྐྱོང་མཆོག་གིས་ཏོག་དབྱིབས་གཉན་རིམས་སྐོར་གསུང་དོན། ཉེ་ཆར་མོན་གྷོ་དང་ལ་དྭགས། སྦེལ་ཀོབ་བཅས་སུ་ནད་པ་ཇེ་མང་དུ་ཕྱིན་པར་བརྟེན་སེམས་ཁྲལ་བྱུང་བ་རེད། ད་ཆ་ཏོག་ཙམ་ལྷིང་འཇགས་འདུག མོན་གྷོ་དང་སྦེལ་ཀོབ་གཉིས་ཀྱི་གདན་ས་ཁག་གི་མཁན་རིན་པོ་ཆེས་གཙོས་པའི་ཕྱག་མཛོད་དང་ས་གནས་འགོ་འཛིན། སྨན་ཁང་འགན་འཛིན། དེ་བཞིན་འཕྲོད་བསྟེན་བཀའ་བློན། སྨན་པ་རྟ་མགྲིན་ལགས་དང་ཚེ་བརྟན་ལགས་བཅས་ཆ་ཚང་ཡོད་པའི་ཐོག་ནས་ཆུ་ཚོད་གཉིས་ཙམ་རིང་ཚོགས་འདུ་ཞིག་བསྐོང་ཚོགས་ཀྱིས་བཀའ་སྡུར་ལྷུག་པོ་བྱུང་སོང་། དགོན་སྡེ་ཁག་ནས་འགན་གཙོ་བོ་བཞེས་པའི་ཐོག་ནས་ཕྱག་ལས་ཧ་ཅང་ཡག་པོ་གནང་འདུག ད་བར་བོད་མིའི་སྒྲིག་འཛུགས་ནས་མོན་གྷོ་དང་སྦེལ་ཀོབ་ས་གནས་གཉིས་ལ་རོགས་དངུལ་ཐབས་ཤེས་བྱེད་ནས་ཧིན་སྒོར་འབུམ་དགུ་ཅུ་གོ་གཅིག་བཏང་ཡོད། དེའི་ནང་བོད་སྨན་ཚུད་མེད། ཚང་མས་ལྷོད་གཡེང་མེད་པའི་ཐོག་གཟབ་གཟབ་དང་སྤྱང་གྲུང་གནང་དགོས་རྒྱུ་ཧ་ཅང་གལ་ཆེན་པོ་རེད་འདུག གཙོ་ཆེ་ཤོས་ཁ་རས་གྱོན་དགོས་རྒྱུ་དང་། ལག་པ་འཁྲུད་པ། མི་དང་མིའི་བར་རྒྱང་ཐག་དགོས་ཀྱི་ཡོད། ཅེས་གསུང་བཤད་གནང་གྲུབ་མཚམས་གསར་འགོད་པའི་དྲི་བར་ལན་འདེབས་གནང་སྟེ་གསར་འགོད་གསལ་བསྒྲགས་གྲོལ་བ་བཅས། །
