ཕྱི་ལོ་ ༢༠༢༠ ཟླ་ ༡༡ ཚེས་ ༦ རེས་གཟའ་པ་སངས།

༄༅། །ཆེས་མཐོའི་ཁྲིམས་ཞིབ་ཁང་དུ་ལས་བྱའི་སྡེ་ཚན་གྱི་ཁྲིམས་དོན་ལས་བྱེད་གཅིག་ཟླ་གྲངས་ ༡༡ རིང་ཉིན་གླར་བསྐོ་གཞག་བྱེད་འཆར་ཡིན་ན། གཤམ་གསལ་ཆ་རྐྱེན་ཚང་ཡོད་རིགས་ནས་འཚང་སྙན་འབུལ་འཐུས།

དགོས་ངེས་ཆ་རྐྱེན།

༡༽ ཚད་ལྡན་མཐོ་སློབ་གང་ཞིག་ནས་ཉུང་མཐར་ཉེ་བའི་ཁྲིམས་ལུགས་རབ་བྱམས་པ་ LLB བསླབ་པ་མཐར་སོན་པའི་ལག་ཁྱེར་གྱི་ངོ་བཤུས།

༢༽ སྐྱེས་ཚེས་ལག་ཁྱེར་ (Birth Certificate) རམ་འཛིན་རིམ་བཅུ་པའི་ཤེས་ཚད་ཨང་ཤོག་ (Marks Card) གི་ངོ་བཤུས།

༣༽ ཕྱི་ལོ་ ༢༠༢༠ ཟླ་ ༠༣ ཚེས་ ༣༡ བར་འབུལ་འབབ་གཙང་ཕུལ་ཟིན་པའི་བོད་མིའི་དྭང་བླངས་དཔྱ་ཁྲལ་ལག་དེབ་ (Green Book) ཀྱི་ཤོག་གྲངས་དང་པོ་དང། གཉིས་པ། མཐའ་མ་བཅས་ཀྱི་ངོ་བཤུས།

༤༽ གནས་ཡུལ་རྒྱལ་ཁབ་ཏུ་གནས་སྡོད་ཆོག་པའི་ལག་ཁྱེར་གྱི་ངོ་བཤུས། 

༥༽ བོད་མིའི་སྒྲིག་གཛུགས་ཀྱི་འཕྲོད་བསྟེན་ཁྱབ་ཁོངས་རྒྱ་བོད་སྨན་ཁང་ཡོད་ན་དང། དེ་མིན་སྨན་ཁང་ཚད་ལྡན་གང་རུང་ནས་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་ (Medical Certificate) ཁ་གསར་སྟེང་རང་ཉིད་ཀྱི་འདྲ་པར་མཉམ་སྦྱར་ཐོག་སྨན་པའི་ལས་དམ་དང། ས་རྟགས་འཁོད་པ་ངོ་མ།

གོང་གསལ་ཆ་རྐྱེན་ཚང་རིགས་ནས་རང་ཉིད་ཀྱི་འཚང་སྙན་ཡིག་ཆའི་ངོ་བཤུས་ཁག་ལ་འབྲེལ་ཡོད་ས་གནས་འགོ་འཛིན་ནམ་གཞུང་ཞབས་ཟུང་དྲུང་གནས་རིམ་ཡན་གྱི་དག་མཆན་ལས་དམ་འཁོད་པ་བཤེར་འབེབས་གྱིས་གློག་འཕྲིན་ (email) བརྒྱུད་ཕྱི་ལོ་ ༢༠༢༠ ཟླ་ ༡༡ ཚེས་ ༢༠ ཉིན་གྱི་དགོང་དྲོ་ཚོུད་ ༥ པ་འགྱངས་མེད་འབུལ་དགོས་རྒྱུ། དོ་བདག་སོ་སོར་འབྲེལ་བ་བྱེད་བདེའི་སླད་འཚང་སྙན་དུ་ཁ་པར་ཨང་གྲངས་འགོད་དགོས། དུས་བཀག་ཡོལ་རྗེས་འཚང་སྙན་འབྱོར་རིགས་རྩིས་མེད་ཡིན། 

ཕོགས་དང་ཐོབ་ཐང་གཞན། ཉིན་རེར་ཉིན་གླ་སྒོར་ ༨༥༠།༠༠ རེ་འཐོབ་རྒྱུ་ལས། ལས་ཤག་དང་ཁང་དོད་ཀྱི་ཐོབ་ཐང་མེད། གཞུང་འབྲེལ་གུང་གསེང་དང་རེས་གཟའ་སྤེན་པ་ཉི་མའི་གུང་གསེང་། དེ་བཞིན་དོ་བདག་རང་ངོས་ནས་ལས་བཅར་མ་ཞུས་པ་བཅས་ལ་ཉིན་གླ་མེད། 

འོས་ཆོས་ལྡན་པའི་འཚང་སྙན་འབུལ་མཁན་ཚོར་འབོད་བརྡ་དང་འབྲེལ་ངག་རྒྱུགས་ཀྱི་ལམ་ནས་འདེམས་བསྐོ་བྱ་རྒྱུར་སྐབས་བསྟུན་ལག་འཁྱེར་སོགས་ཡིག་ཆ་ངོ་མ་མཉམ་འཁྱེར་གྱིས་འབྱོར་ཐོ་འགོད་བཅར་དགོས་པ་བཅས་ཀྱི་གསལ་བསྒྲགས་སུ། ཆེས་མཐོའི་ཁྲིམས་ཞིབ་ཁང་ནས་ ༢༠༢༠ ཟླ་ ༡༡ ཚེས་ ༦ ལ། །

General Secretary
Tibetan Supreme Justice Commission

Central Tibetan Administration 

Gangchen Kyishong, 

Dharamsala-176215 Distt. Kangra (H.P) 

Tel: 01892-224964/225099

E-mail: [email protected]