ཕྱི་ལོ་ ༢༠༢༠ ཟླ་ ༡༡ ཚེས་ ༥ རེས་གཟའ་ཕུར་བུ།

༄༅། །འདི་གར་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༠ ཟླ་ ༡༡ ཚེས་ ༡ ཉིན་ཁམས་ཀཿཐོག་ས་གནས་འགོ་འཛིན་བསྟན་འཛིན་ལྷ་སྐྱིད་ལགས་དང་། ཚབ་གསར་ས་གནས་འགོ་འཛིན་འདན་མ་ཚང་བསོད་ནམས་དབང་འདུས་ལགས་དབར་རྩིས་སྤྲོད་རྩིས་ལེན་གནང་ཡོད།

དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༩།༣༠ ཐོག་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་སྐུ་ཚབ་ཀམ་རའོ་ས་གནས་འགོ་འཛིན་རབ་བརྟན་ཚེ་རིང་ལགས་ཀྱིས་སྤྲོད་དཔང་གཟིགས་ཞིབ་འོག་ས་འགོའི་ཁྱབ་ཁོངས་ཅ་དངོས་ཇི་ཡོད་རྩིས་སྤྲོད་ལེན་དང༌། ཉིན་རྒྱབ་ས་གནས་འགོ་འཛིན་ལས་ཁུངས་ནང་ས་འགོ་གསར་རྙིང་མཉམ་ཞུགས་ཐོག་ས་གནས་འཐུས་ཚོགས་ཀྱི་ཚོགས་གཙོ་དང་། ས་གནས་རང་བདེན་ཚོགས་ཆུང་གི་ཚོགས་གཙོ་གཙོས་པའི་ཚོགས་མི་རྣམ་པ། བརྒྱ་དཔོན་བཅས་ཚང་འཛོམས་ཐོག་སྤྲོད་དཔང་གིས་རྩིས་སྤྲོད་རྩིས་ལེན་དང་འབྲེལ་བའི་གཟིགས་ཚུལ་གཏམ་བཤད་དང་། རིམ་བཞིན་ས་འགོ་གསར་རྙིང་ནས་ཞབས་སྟེགས་བརྗེ་ལེན་གྱི་མཛད་སྒོ་སྟབས་བདེ་ཞིག་ཚོགས་ཡོད་པ་བཅས། །